Polšča nie razhladaje adkryćcia punktaŭ propusku na miažy ź Biełaruśsiu
Polšča na hety momant nie razhladaje adkryćcia punktaŭ propusku na miažy ź Biełaruśsiu praz adsutnaść krokaŭ nasustrač pa hetych pytańniach z boku Minska. Pra heta na pres-kanfierencyi ŭ Biełastoku paśla sustrečy ź miascovymi siłavymi strukturami zajaviŭ ministr unutranych spraŭ i administracyi Polščy Tomaš Siemoniak, piša Reform.news.
«My vielmi chacieli b, kab pamiežnyja pierachody byli adkrytyja, ale niama nijakich prykmiet taho, što heta adbudziecca ŭ najbližejšaj budučyni», — skazaŭ jon.
«Pryčyny znachodziacca na biełaruskim baku. Andžej Pačobut usio jašče znachodzicca ŭ źniavoleńni. Roznyja zajavy pra jaho mahčymaje vyzvaleńnie nie paćvierdzilisia faktami. Nijakaha supracoŭnictva ź biełaruskaha boku nie nazirajecca ŭ dačynieńni da infarmacyi pra zabojstva polskaha sałdata letaś. I my ŭsio jašče majem spravu ź situacyjaj na miažy, jakaja nie pakidaje sumnievaŭ u tym, što mienavita biełaruskija słužby arhanizujuć i sadziejničajuć hetaj hibrydnaj ahresii», — dadaŭ ministr.
Siemoniak padkreśliŭ, što jakija-niebudź dziejańni polskaha boku pa adkryćci punktaŭ propusku mahčymyja tolki pry najaŭnaści dobraj voli z boku Minska.
«Tamu pakul nie budzie dobraj voli ź biełaruskaha boku, z našaha boku prosta niama mahčymaści dla jakich-niebudź dziejańniaŭ. Kožnaje z uzhadanych mnoj dziejańniaŭ my ŭsprymajem jak dziejańnie suprać Polščy», — zaklučyŭ jon.
Nahadajem, što na dadzieny momant na biełaruska-polskaj miažy dziejničaje tolki adzin pierachod dla hruzavych aŭtamabilaŭ — Kazłovičy — Kukuryki, a taksama adzin dla lehkavoha transpartu i aŭtobusaŭ — Brest-Tarespal. Na fonie zimovych śviataŭ čerhi na vyjezd ź Biełarusi praz hety punkt pieravyšali 2500 lehkavych aŭtamabilaŭ i 100 aŭtobusaŭ. Siońnia ranicaj, pavodle źviestak Dziaržpahrankamiteta, u čarzie znachodziłasia 2000 lehkavych aŭtamabilaŭ.
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?5
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1616
Kamientary