Свет44

Індыя следам за Кітаем адмаўляецца прымаць расійскія падсанкцыйныя танкеры

Індыя не пусціць у свае парты танкеры, якія трапілі пад новыя санкцыі ЗША за перавозку расійскай нафты, заявіў высокапастаўлены індыйскі чыноўнік. Паводле яго слоў, разгрузіцца дазволяць толькі тым суднам, якія былі зафрахтаваныя да 10 студзеня, пры ўмове, што яны зробяць гэта да 12 сакавіка, паведамляе Bloomberg.

Фота ілюстрацыйнае

Акрамя таго, цяпер індыйскія банкі будуць патрабаваць сертыфікаты паходжання нафты, каб пераканацца, што яна атрыманая ад пастаўшчыкоў, якія не знаходзяцца пад санкцыямі, дадаў чыноўнік.

Яшчэ раней прымаць танкеры «ценявога флоту» Крамля адмовіўся Кітай. Судны Huihai Pacific, Mermar і Olia, якія перавозілі больш за 2 млн барэляў нафты, цяпер прастойваюць ва ўсходніх водах краіны. Усе яны выйшлі з расійскага далёкаўсходняга порта Козьміна.

10 студзеня ЗША ўвялі маштабныя санкцыі супраць расійскай нафтавай галіны, якія ўключаюць больш за 180 танкераў «ценявога флоту», нафтавыя і страхавыя кампаніі. Пасля гэтага міністр нафтавай прамысловасці Індыі і кіраўнікі дзяржаўных кампаній сабраліся на экстранную нараду, каб абмеркаваць будучыню галіны, расказалі прысутныя на сустрэчы людзі.

Кіраўнікі індыйскіх НПЗ гавораць, што яшчэ вывучаюць дакументы разам з юрыдычнымі службамі. Некаторыя з іх заявілі ў панядзелак, што ўжо рыхтуюцца да сур'ёзных перабояў у пастаўках, якія могуць працягнуцца ад трох да шасці месяцаў і паўплываць на імпарт да 800 тыс. барэляў у дзень.

Баючыся паскарэння інфляцыі, калі краіне давядзецца купляць больш дарагую нафту ў іншых вытворцаў, урадавыя чыноўнікі рыхтуюцца да перамоў з ЗША, спрабуючы захаваць расійскія пастаўкі. Індыйскі чыноўнік сказаў Bloomberg, што нафтаперапрацоўшчыкі таксама абмяркоўваюць магчымасць заключэння доўгатэрміновых здзелак з блізкаўсходнімі пастаўшчыкамі. 

Каментары4

  • Тромб
    14.01.2025
    Дзе Байдэн быў раней з такімі прыўкраснымі санкцыямі?
  • Acab
    14.01.2025
    Імя чыноўніка?
  • Acab
    14.01.2025
    А я зьдзіўлюся, калі Кітай запатрабуе.

Цяпер чытаюць

Памёр 87‑гадовы турэцкі мільярдэр, уласнік мінскай Crowne Plaza. Але грошай не пакінуў ні жонцы-беларусцы, ні чатыром дзецям40

Памёр 87‑гадовы турэцкі мільярдэр, уласнік мінскай Crowne Plaza. Але грошай не пакінуў ні жонцы-беларусцы, ні чатыром дзецям

Усе навіны →
Усе навіны

Юшкевіч: Аднойчы мне прапанавалі: «Адно слова па-польску — 5 сутак ШІЗА. Рызыкнеш?»10

У мінскае метро маладзён хацеў зайсці з небяспечным кіем3

Цела кракаўскага стралка ніхто забіраць для пахавання не хоча. Яго думаюць аддаць навукоўцам6

Miss Kraken: сакрэтная ўкраінская сістэма выглядае як навуковая фантастыка, але ўжо працуе на фронце3

Жэрар Дэпард'ё прызнаў сваю віну ў сэксуалізаваным гвалце4

Ці пагражае Крыму блакада праз паралізаваны Крымскі мост?17

Украінцы нанеслі моцны ўдар па расійскіх радарах і станцыях РЭБ4

Інстытуты сацыялогіі і філасофіі Акадэміі навук аб'яднаюць у адзін8

У Кемераўскай вобласці Расіі разбіўся вайскова-транспартны самалёт Ан-12 «Чорны цюльпан» ВІДЭА11

больш чытаных навін
больш лайканых навін

Памёр 87‑гадовы турэцкі мільярдэр, уласнік мінскай Crowne Plaza. Але грошай не пакінуў ні жонцы-беларусцы, ні чатыром дзецям40

Памёр 87‑гадовы турэцкі мільярдэр, уласнік мінскай Crowne Plaza. Але грошай не пакінуў ні жонцы-беларусцы, ні чатыром дзецям

Галоўнае
Усе навіны →

Заўвага:

 

 

 

 

Закрыць Паведаміць