Грамадства2222

Амерыканцы дабіліся вызвалення Юрыя Зянковіча. Ён быў прысуджаны да 13,5 года зняволення

Пра тое, што выйшаў на свабоду беларускі палітвязень, абвясціў дзяржсакратар ЗША Марка Рубіа. CNN кажа, што гаворка пра Зянковіча.

Юрась Зянковіч пасля магілёўскай турмы ў канцы 2024 года (злева) і да арышту (справа)

Зянковіч, грамадзянін Беларусі і ЗША, знаходзіўся за кратамі з вясны 2021 года, калі быў арыштаваны ў Маскве за ўдзел у віртуальнай спробе «дзяржаўнага перавароту». Спецслужбісты скарысталіся наіўнасцю Зянковіча і прапанавалі яму і палітолагу Аляксандру Фядуту узначаліць выступ сілавікоў супраць Аляксандра Лукашэнкі. Тыя пагадзіліся і трапілі на кручок.

Юрась Зянковіч нарадзіўся ў 1977 годзе ў Мінску. Быў актывістам Партыі БНФ, абіраўся ў Ждановіцкі сельскі савет і Мінскі райсавет на мясцовых выбарах. Калі быў дэпутатам, дабіўся, каб у пасёлку была вуліца Васіля Быкава. У 2007 годзе Зянковіч разам з бацькамі эміграваў у ЗША, атрымаў там грамадзянства. Займеў там адвакацкую ліцэнзію, займаўся міграцыйнымі справамі. Часта прыязджаў у Беларусь, спрабаваў вылучацца ў дэпутаты Палаты прадстаўнікоў, заяўляў пра прэзідэнцкія амбіцыі.

Зянковіч падпісаў пагадненне са следствам, але ў выніку атрымаў 11 гадоў зняволення — нават больш, чым Фядута і Рыгор Кастусёў, яшчэ адзін удзельнік «змовы». Кастусёва дадалі ў чат, ён не прымаў актыўнага ўдзелу ў абмеркаванні, але так і не знайшоў у сабе сілы выйсці з чата.

Юрась Зянковіч у судзе ў 2022 годзе

Зянковіча адправілі ў бабруйскую калонію, дзе ён адразу апынуўся пад ціскам. З часам яго перавялі на турэмныя ўмовы ў Магілёў, але па-ранейшаму перыядычна закідвалі ў ШІЗА, забаранялі атрымліваць перадачы і не давалі магчымасці закупляцца ў турэмнай краме.

Тэрмін тым часам павялічылі да 13,5 года — паўгода дадалі за «абразу» прадстаўнікоў ўлады ў інтэрнэце, а два гады — за непадпарадкаванне адміністрацыі калоніі.

У Магілёве Зянковіч знаходзіўся да канца лета 2024, калі прапаганда вырашыла згуляць амерыканскую карту. Зянковіча перавезлі ў СІЗА КДБ, дзе знялі ў прапагандысцкім фільме, у якім ён папрасіў Дональда Трампа і Камалу Харыс — у залежнасці ад таго, хто стане прэзідэнтам ЗША — дапамагчы яму вярнуцца ў Тэхас. Аднак у інтэрнэце пасля гэтага абмяркоўвалі перадусім не сказанае Зянковічам, а яго знешні выгляд. Палітык у кадры выглядаў вязнем канцлагера.

17 студзеня 2025 года з’явілася новае відэа з удзелам Зянковіча. Ён выглядаў значна лепш, а здымалі яго не ў турэмнай робе ў СІЗА, а ў памяшканні гатэля «Еўропа» ў цэнтры Мінска. Статус Зянковіча заставаўся незразумелым.

Юрась Зянковіч у студзені 2025 года

Каментары22

  • Чэсь
    30.04.2025
    Дзякуй Зянону хай скажа!
  • АлексЮстасу
    30.04.2025
    Так вот кого на Мельникову поменяют...
  • Берите пример
    30.04.2025
    Американцы своих не бросают

Цяпер чытаюць

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Усе навіны →
Усе навіны

Самая танная кватэра — 222 тысячы рублёў. МАПІД прапанаваў кватэры ў «Сонечным» для ўсіх ахвотных5

46‑гадовага мінскага псіхолага і бізнэс-трэнера пасадзілі па палітычнай справе2

Прэзідэнт Манголіі, які тры тыдні таму сустракаўся з Лукашэнкам, падаў у адстаўку, абвінавачаны ў карупцыі1

У Германіі малады беларус ушчэнт раскалаціў фуру аб аўтадом пенсіянераў. Кіроўцаў ратавалі з дапамогай верталётаў

Расійскія і лукашэнкаўскія СМІ дагэтуль не паведамілі пра руйнаванне Крымскага моста7

Цэны на нерухомасць пайшлі ўніз. Прычым не толькі ў Мінску13

У крамах пачалі прадаваць новую экзатычную рэч

Амерыканскі судмедэксперт: Джэфры Эпштэйн, імаверна, быў забіты, а не пакончыў з сабой5

У Камышавасе завяршыўся пошук цел. У выніку расійскага ўдару там загінулі 72 чалавекі

больш чытаных навін
больш лайканых навін

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць