У Лідзе супрацоўніцы ЖКГ ідуць галасаваць датэрмінова з-за таго, што лайдачылі ўвосень?
Як і заўсёды перад днямі галасавання на любых лукашэнкаўскіх выбарах, па ўсіх прапагандысцкіх каналаў ідзе агітацыя за тое, каб людзі галасавалі датэрмінова. Ладзіцца і своеасаблівы флэшмоб, падчас якога людзі на відэа тлумачаць, чаму ім няма часу схадзіць укінуць бюлетэнь у нядзелю. Пры гэтым многія аргументы выглядаюць, мякка кажучы, непераканаўча.
Напрыклад, Лідская ЖКГ запусціла ролік, у якім шасцёра жанчын зграбаюць уздоўж дарогі апалую лістоту, а напрыканцы хорам заяўляюць:
«Мы датэрмінова пойдзем галасаваць, таму, што будзем прыбіраць горад у дзень выбараў».
Звяртае на сябе ўвагу нелагічнасць самога дзеяння: дзеля чаго жанчыны мусяць выходзіць прыбіраць горад менавіта ў выхадны дзень, ды яшчэ ў такім рэжыме, што не могуць нават ненадоўга адвіхнуцца для ўкідання бюлетэня? І чаму тады ў афіцыйны працоўны дзень у іх час наведаць участак акурат ёсць?
Але найбольш здзіўляе характар работ, якія жанчыны цяпер нібыта так тэрмінова мусяць выканаць. Зграбанне сухой лістоты — відавочна не зімовая праца, у студзені ў прынцыпе мусіў бы ляжаць снег. Таму гэтую працу жанчыны павінны былі б выконваць увосень, адразу пасля таго, як тое лісце нападала, калі не планавалася пакідаць яго да вясны. Таму імкнучыся паказаць выключную дбайнасць, стваральнікі роліка падкрэсліваюць хутчэй адваротнае.
Мітрапаліт Веніямін таксама прыйшоў галасаваць датэрмінова
«Падыход такі — патрыятызм». Чым падчас выбараў займаюцца настаўнікі, медыкі і адвакаты
Тэмпы датэрміновага галасавання нарастаюць: ужо 17,67%
За два дні датэрміновага галасавання праз выбарчыя ўчасткі прагналі траціну супрацоўнікаў сістэмы МНС
«Ствараюцца камфортныя ўмовы». Міністр адукацыі выказаўся пра датэрміновае галасаванне студэнтаў
Каментары
Или таки коммунальщики?)