Журналіст будзе весці жывую трансляцыю са студыі «Белсата» ў дзень галасавання 26 студзеня. Ён расказаў «Нашай Ніве», чаму вярнуўся на тэлеканал.
Алесь Залеўскі расказвае, што пасля некалькі гадоў жыцця ў Грузіі быў у пошуку працы.
«Пачаліся перамены на «Белсаце». Натуральным чынам намалявалася гісторыя майго вяртання. Гэта не была вакансія, на якую трэба было падавацца, я сам напісаў кіраўніцтву і прапанаваў. Быў такі агульны інтарэс: і з боку кіраўніцтва, і з майго боку, бо шукаў працу. Была ахвота, прынамсі, разгледзець такі варыянт. І ўсё добра склалася.
«Белсат» — адзінае беларускамоўнае тэлебачанне, дзе я сапраўды магу сябе рэалізаваць. Пачуваюся тут як дома», — кажа ён.
Алесь Залеўскі нарадзіўся ў Гродне. З'явіўся на «Белсаце» з моманту стварэння тэлеканала ў 2008 годзе: працаваў у варшаўскім бюро, быў вядучым перадачы «Тыдзень у Аб'ектыве». З цягам часу стаў тварам тэлеканала.
У 2014 годзе Залеўскі вярнуўся з Польшчы ў Беларусь. З'яўляўся аўтарам цыкла «Рэпартаж Залеўскага», а потым перадачы «Людскія справы». У 2019-м развітаўся з «Белсатам».
У канцы 2021 года здарыўся скандал. Былы супрацоўнік ГУБАЗіК Аляксандр Азараў заявіў, што, па яго інфармацыі, Алесь Залеўскі супрацоўнічаў з КДБ. Залеўскі абвяргаў гэта.
Цяпер чытаюць
Прабітыя лёгкія, разарваная печань і сэкс з малалетняй: што адбываецца ўнутры беларускай міліцыі і як начальства гэта хавае14
Прабітыя лёгкія, разарваная печань і сэкс з малалетняй: што адбываецца ўнутры беларускай міліцыі і як начальства гэта хавае
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім1414
Каментары