Пасля так званых выбараў у Беларусі шэраг краін заявілі пра непрызнанне іх вынікаў і ўвядзенне санкцый супраць шэрагу беларускіх юрыдычных асоб і грамадзян
Кіраўнік ЦВК Беларусі Ігар Карпенка лічыць уключэнне яго ў санкцыйны спіс Вялікабрытаніі і Канады самай высокай ацэнкай дзейнасці беларускай Цэнтральнай выбарчай камісіі, піша «Спутнік».
«Гэта я ўспрымаю як самую высокую ацэнку дзейнасці нашай камісіі па правядзенні выбарчага працэсу», — заявіў Карпенка.
Паводле яго слоў, тых, хто ўводзіць санкцыі, цікавіць не сам выбарчы працэс — ці адпавядае ён нацыянальнаму заканадаўству, — іх цікавіць вынік. І калі вынікі выбараў будуць зручнымі для Захаду, то выбары ў Беларусі будуць ацэнены зусім па-іншаму. «А мы выбары праводзім для сябе, у інтарэсах сваёй краіны», — падкрэсліў кіраўнік ЦВК.
Карпенка ў гэтым кантэксце нагадаў папулярную фразу, што ў Англіі няма сяброў — у Англіі ёсць толькі свае інтарэсы.
«Нягледзячы на тое, што мы — невялікая па тэрыторыі краіна, невялікая па колькасці насельніцтва, але ў нашых людзей таксама ёсць свае інтарэсы. Мы не прэтэндуем на вялікія геапалітычныя ініцыятывы, але ў нашых людзей таксама ёсць свае інтарэсы», — падкрэсліў Карпенка.
-
Што за Італа-албанская каталіцкая царква, да якой належыць новы нунцый? І як гэта можа паспрыяць аднаўленню ўніяцтва ў Беларусі
-
«Нечым трэба заўсёды ахвяраваць. Мне прыйшлося ахвяраваць сям'ёй»: сын Іны Афанасьевай пра павароты лёсу
-
«Людзі глядзелі на мяне з нямым жахам». Беларускі айцішнік лячыўся ў Польшчы п'яўкамі, а потым у яго пачаўся крывацёк
Цяпер чытаюць
«Нечым трэба заўсёды ахвяраваць. Мне прыйшлося ахвяраваць сям'ёй»: сын Іны Афанасьевай пра павароты лёсу4
Каментары