Заява трох партый, якія на выбарах у КР сумарна набралі 165 галасоў: Імітацыя палітычнай барацьбы — шлях да забыцця
Тры беларускія апазіцыйныя палітычныя сілы падпісалі заяву, у якой заклікалі беларускую дэмакратычную супольнасць да перазагрузкі.
![](http://nashaniva.com/img/w840d4webp1/photos/z_2025_01/memarandum-3fkow.jpg.webp)
Заява зроблена ад імені партыі «Народная Грамада», Беларускай хрысціянскай дэмакратыі (той, што ўзначальвае Георгій Дзмітрук), а таксама супольнасці сяброў, якія збіраліся стварыць партыю «Краіна для жыцця». Усе яны назвалі сябе Кааліцыяй беларускіх палітычных партый Мемарандум.
Што аб'ядноўвае гэтых саюзнікаў? Найгоршы вынік на выбарах у Каардынацыйную раду ў мінулым годзе. Тады за гэтыя тры палітычныя сілы агулам прагаласавала 165 (2,46%) удзельнікаў выбараў.
Таксама на іх рахунку спроба аспрэчыць статус Святланы Ціханоўскай у жніўні 2024 года.
Цяпер жа кааліцыя заклікала беларускія дэмакратычныя палітычныя сілы да кансалідацыі, а таксама да «якаснай перазагрузкі з улікам аналізу памылак».
«Імітацыя палітычнай барацьбы — шлях да палітычнага забыцця», — падсумоўваюць «Народная грамада», БХД і «Краіна для жыцця».
Старшыня «Грамады» Вільскі знайшоў вінаватых у публікацыі фэйкавай заявы пра Ціханоўскую. І падумвае звяртацца ў паліцыю
Партыя, ад якой у КР ішло найбольш агентуры, заявіла пра непрызнанне Ціханоўскай. А пасля аспрэчыла гэта
Сяброўка «Народнай грамады», якая пісала даносы ў КДБ, вярнулася ў Беларусь і дала інтэрв'ю прапагандыстам
Двое сяброў «Народнай грамады» пісалі даносы ў КДБ. Хто яны і як тлумачаць сітуацыю?
Каментары