«Левая, хранічна злая». Драматычная гісторыя паказала, да чаго даводзіць істэрычнае выкрыццё «сэксуальных дамаганняў»
Палітык спыніў кар’еру за сэксуальныя дамагальніцтвы да няіснай жанчыны.
Як піша Financial Times, у снежні мінулага года дэпутат Бундэстага ад «Зялёных» Штэфан Гельбхаар (Stefan Gelbhaar) быў вымушаны адмовіцца ад удзелу ў выбарах праз абвінавачанні ў сэксуальных дамагальніцтвах. Нягледзячы на тое, што палітык катэгарычна адмаўляў усе абвінавачанні, ціск калег па партыі прымусіў яго адступіцца ад далейшага змагання за дэпутацкі мандат. Здавалася, ягоная кар’ера была скончаная.
Аднак нечаканы паварот падзей змяніў усю гісторыю. Як высветлілася, асноўнае сведчанне, на якім трымалася справа, было ад няіснай жанчыны.
Гэтую інфармацыю пацвердзіла дзяржаўная нямецкая радыёстанцыя Rundfunk Berlin-Brandenburg (RBB), якая першапачаткова і агучыла абвінавачанні.
Фрау K.
За фальсіфікацыяй стаяла Шырын Крэсэ (Shirin Kreße), адна з кіраўніц «Зялёных» у Берліне, якая ў сацыяльных сетках апісвае сябе як «аўтыстка, левая, хранічна злая». Яна дзейнічала пад псеўданімам Anne K., а RBB паверыла ёй на слова, нават не праверыўшы сапраўднасць персоны!
Крэсэ стварыла фэйкавую асобу, якая паклёпнічала на Гельбхаара, падаўшы нават фіктыўнае прысяжнае сведчанне. Пасля таго як хлусня раскрылася, Крэсэ заявіла пра сваю адстаўку і выхад з партыі.
Гэты скандал не толькі выклікаў хвалю абурэння ўнутры «Зялёных», але і падарваў давер да механізмаў абароны ахвяр сэксуальных дамаганняў. Жаночыя праваабарончыя арганізацыі ўжо асцерагаюцца, што сапраўдныя ахвяры цяпер сутыкнуцца з большым недаверам.
Праява «крымінальнай энергіі»
Скандал здарыўся напярэдадні выбараў. Віцэ-канцлер Германіі і лідар партыі Роберт Хабек назваў тое, што адбылося, праявай «крымінальнай энергіі» і адзначыў, што гэта нанесла шкоду не толькі Гельбхаару, але і ўсім жанчынам, якія сапраўды сутыкнуліся з дамаганнямі.
Тым часам у партыі быў створаны спецыяльны камітэт для расследавання гэтай справы, што сведчыць пра імкненне змякчыць наступствы крызісу.
Выпадак з Гельбхаар быў не адзіным для Крэсэ. Яшчэ мінімум два хлуслівыя абвінавачванні яна сфальсіфікавала ў дачыненні да іншых людзей. Сам Гелбхаар (адвакат па прафесіі) цяпер судзіцца са сваімі аднапартыйцамі і RBB.
Магчыма, Гельбхаар адновіць сваю рэпутацыю, а Крэсэ панясе пакаранне. Але самае страшнае ў гэтай гісторыі тое, што яна падрывае давер да рэальных ахвяр сэксуальных дамаганняў.
Малодшая сястра кіраўніка OpenAI падала на яго ў суд за сэксуалізаваны гвалт
У Іспаніі пачалі судзіць экс-прэзідэнта футбольнай федэрацыі, які пацалаваў у вусны футбалістку, чым выклікаў гучны скандал
Ці часта беларускі сутыкаюцца з харасментам? Актывісты правялі апытанне
У Парыжы сёння пачнецца першы судовы працэс супраць Жэрара Дэпард'ё — яго абвінавачваюць у сэксуальных дамаганнях
Былога караля хіп-хопу P. Diddy усё больш мужчын абвінавачваюць у сэксуальным гвалце
Цяпер чытаюць
Як у галечы співалася радня Лукашэнкі? Малавядомыя факты20
Каментары