Сілавікі затрымалі не толькі брата палітычнага эмігранта з Гомеля, але і яго бацьку
Як стала вядома «Гомельскай вясне», разам з братам палітычнага эмігранта Мікалая Стагурскага затрымалі і іх бацьку, Васіля Стагурскага.
Судовыя паседжанні па адміністрацыйных справах Васіля і Дзмітрыя Стагурскіх аб распаўсюдзе «экстрэмісцкіх матэрыялаў» прыйшлі 5 лютага ў судзе Гомельскага раёна. Іх вынікі невядомы.
Па словах палітычнага эмігранта Мікалая Стагурскага, яго брата Дзмітрыя затрымалі за падпіскі на «экстрэмісцкія каналы». Пра гэта стала вядома 4 лютага.
25 студзеня Азаронак апублікаваў у сваім тэлеграм-канале пост суполкі «Их ждет суд» з пагрозай у бок Мікалая Стагурскага.
Як удакладніў Мікалай «Нашай Ніве», у пасце з пагрозай выкарысталі яго здымак з акцыі ў Ізраілі, якая была прысвечана выбарам у Беларусі. Аўтары канала «Их ждет суд» напісалі, што бачаць у дзеяннях эмігранта «чатыры крымінальныя артыкулы».
У 2023 годзе Мікалай Стагурскі расказаў пра сваё затрыманне, вярбоўку КДБ і здымкі ў фільме для БТ.
Цяпер чытаюць
Даішнік, якога збіў машынай пенсіянер пад Мінскам, памёр у бальніцы. Яму зладзілі пышнае пахаванне18
Каментары