Пракоп'еў у 2022-м прапаноўваў украінцам зайсці на тэрыторыю Беларусі
«Вынікі мелі б псіхалагічны эфект, падобны да таго, што адбылося, калі ўкраінскія вайскоўцы пазней правялі рэйд у Курскую вобласць Расіі».
Грамадскі дзеяч і былы мінскі рэстаратар Вадзім Пракоп'еў у каментары амерыканскаму ваеннаму выданню 9FortyFive’s згадаў першыя дні поўнамаштабнай вайны ва Украіне.
«Я прыбыў у Кіеў на трэці дзень пасля ўварвання.
Супрацоўнічаючы з украінскімі падраздзяленнямі, мы прапанавалі асіметрычны адказ на тэрыторыі Беларусі, і гэта мела б поўную падтрымку мясцовага насельніцтва. Вынікі мелі б псіхалагічны эфект, падобны да таго, што адбылося, калі ўкраінскія вайскоўцы пазней правялі рэйд у Курскую вобласць Расіі ў жніўні 2024 года», — сказаў Пракоп'еў.
Аднак яго план быў адхілены ўкраінскім вайсковым кіраўніцтвам.
Пракоп'еў разважае, што Лукашэнка зрабіў вялікую памылку — ён паставіў усё на паспяховую «маланкавую вайну» Пуціна.
«Ён гуляў і прайграў. Ён спадзяваўся, што Пуцін хутка зломіць Украіну і ўвойдзе ў Кіеў, і тады яны разам будуць пераможцамі. А пераможцы, як вядома, не трапляюць на лаву падсудных у Гаазе».
Лукашэнка, лічыць Пракоп'еў, цяпер хоча зноў стаць пасярэднікам у перамовах паміж Украінай і Расіяй, каб выйсці з-пад санкцый і аднавіць свой статус.
-
Зяленскі заявіў пра гатоўнасць да мірнага пагаднення з размежаваннем па цяперашняй лініі фронту
-
У Расіі чарговы рэгіён скараціў выплаты сем’ям загінулых на вайне супраць Украіны
-
Адрэзаў сабе ступню нажом для тушонкі і працягваў ваяваць. Гісторыя ўкраінца, якога эвакуявалі беспілотнікам пасля 491 дня на пазіцыі
Малодшы сын Сахашчыка абвешчаны зніклым без вестак. Выглядае, ён ваяваў за Расію88
Каментары