Стала вядома, калі скончаць рэканструкцыю кінатэатра «Масква» ў Мінску
Старшыня Мінгарвыканкама Уладзімір Кухараў на сустрэчы з навучэнцамі і педагогамі Мінскага дзяржаўнага фінансава-эканамічнага каледжа расказаў, калі плануецца завяршыць рэканструкцыю ці будаўніцтва некаторых важных гарадскіх аб'ектаў. Пра гэта паведамляе агенцтва «Мінск-Навіны».
Паводле слоў Уладзіміра Кухарава, рэканструкцыя кінатэатра «Масква» ў сталіцы Беларусі завершыцца да 9 мая. Як лічыць чыноўнік, «абноўлены кінатэатр стане месцам прыцягнення моладзі».
Акрамя таго, да Дня горада ў Лошыцкім парку адкрыюць аб'ект для правядзення шлюбаў. Ён размесціцца на вуліцы Чыжэўскіх у адным з гістарычных будынкаў, якія рэканструююць. Цырымоніі шлюбу збіраецца арганізоўваць у тэатралізаванай форме з улікам гістарычных традыцый. Акрамя таго, у парку пабудуюць рэстараны і гатэль для маладых.
Таксама ў Мінску праводзіцца мадэрнізацыя шэрагу медыцынскіх устаноў.
«Работы па шэрагу аб'ектаў аховы здароўя ўжо завершаныя. У стадыі абнаўлення — 6-я клініка. Будзе пабудаваны новы корпус 11-й бальніцы. Усё гэта для таго, каб напоўніць установы аховы здароўя сучасным абсталяваннем, якія дазваляюць выяўляць захворванні на ранняй стадыі і праводзіць эфектыўнае лячэнне».
Да мая таксама мае быць здадзены Нацыянальны футбольны стадыён. Завяршаюцца работы па будаўніцтве двух фізкультурна-спартыўных цэнтраў — у Лошыцы і Каменнай Горцы, а таксама рэканструююцца каля 80 спартыўных пляцовак па месцы жыхарства.
Планы па рэканструкцыі касцёла на Кальварыйскіх могілках у Мінску памянялі не ў лепшы бок
Як будуць выглядаць новыя станцыі метро на ўчастку ад «Пярэспы» да станцыі «Парк Дружбы народаў» ФОТА
На ўсходзе Мінска пабудуюць новы вялікі раён на 100 тысяч чалавек
Новы будынак Нацыянальнага гістарычнага музея пабудуюць да 2027 года
Цяпер чытаюць
Падпалкоўніка з факультэта вайсковай разведкі судзяць за «здраду дзяржаве» па справе, якая выглядае палітычнай. Што пра яго вядома?6
Каментары
Кінатэатр Няміга - гучыць прыгожа.