«Ты не можаш выйграць дэмакратычныя выбары тым, што кідаеш свайго апанента за краты». Ці адрэагуе на словы Вэнса Лукашэнка?
За кратамі застаюцца Сяргей Ціханоўскі, Віктар Бабарыка і Мікола Статкевіч.
На Мюнхенскай канферэнцыі па бяспецы віцэ-прэзідэнт ЗША Джэй Вэнс зрабіў эмацыянальную прамову наконт пагроз, з якімі цяпер сутыкаецца міжнародная супольнасць.
Ён выказаўся аб цэнзуры ў медыя, палітычнай барацьбе і міграцыі.
«Ты не можаш выйграць дэмакратычныя выбары тым, што цэнзуруеш ці кідаеш свайго апанента за краты. Няважна, гэта лідар апазіцыі, сціплы хрысціянскі вернік, які моліцца ў сваім доме, ці журналіст, які спрабуе перадаваць навіны. Не можаш і перамагчы, калі зневажаеш свой электарат, задаючы пытанні «Хто можа быць часткай нашага супольнага грамадства?»».
У Беларусі 1226 чалавек прызнаныя палітычнымі зняволенымі. За кратамі знаходзяцца лідары апазіцыі, журналісты, працаўнікі заводаў, выкладчыкі і іншыя людзі, якія шчыра выказваліся аб несправядлівасці ў краіне.
Да 14 год калоніі асуджаны экс-кандыдат у прэзідэнты Беларусі Віктар Бабарыка і лідар Сацыял-дэмакратычнай партыі Мікола Статкевіч. За кратамі знаходзіцца і сын Бабарыкі Эдуард. Да 19,5 год прыгаварылі блогера Сяргея Ціханоўскага, да 11 год — Марыю Калеснікаву, кіраўніцу выбарчага штабу Бабарыкі.
Цяпер чытаюць
Віктар Лукашэнка засвяціў на пасяджэнні НАК свой гадзіннік — цяжкі люкс30
Віктар Лукашэнка засвяціў на пасяджэнні НАК свой гадзіннік — цяжкі люкс
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2222
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі22
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары