ЗША далі зразумець Украіне, што гатовыя размясціць у краіне войскі ў абмен на доступ да 50% яе карысных выкапняў
У суботу сталі вядомыя падрабязнасці здзелкі, якую напярэдадні Мюнхенскай канферэнцыі па бяспецы адміністрацыя Дональда Трампа прапанавала Уладзіміру Зяленскаму.
Гаворка ў ёй ідзе не толькі аб перадачы ЗША доступу да паловы рэдказямельных металаў Украіны. Прадстаўнікі Белага дома таксама далі зразумець, што ў выпадку ўгоды для абароны сваіх інтарэсаў ЗША гатовыя размясціць амерыканскія войскі ў краіне, паведаміў тэлеканал NBC News са спасылкай на чатыры крыніцы.
Упершыню пра тое, што Вашынгтон прапанавалі Украіне перадаць пад кантроль ЗША 50% рэдказямельных металаў у краіне, паведаміў у пятніцу журналіст The Washington Post Джош Рогін. Паводле яго звестак, такі план перадала Зяленскаму пасол ЗША ў Кіеве Брыджыт Брынк перад паездкай у Кіеў міністра фінансаў ЗША Скота Бесэнта
Чарнавік пагаднення Бесэнт перадаў Зяленскаму падчас сустрэчы ў Кіеве ў сераду. Сэнс дамовы дзве крыніцы выдання патлумачылі так: пагадненне стане для Украіны спосабам пакрыць ЗША мільярды даляраў за пастаўкі зброі і падтрымку, прадастаўленыя Кіеву з пачатку вайны. Пасля сустрэчы Бесэнт сказаў, што праект пагаднення па гэтым пытанні адлюстроўвае мэты Трампа, пры гэтым ён не стаў публічна раскрываць яго сутнасць.
Зяленскі адмовіўся падпісваць дакумент, адзначыўшы, што яму трэба вывучыць яго і правесці кансультацыі, сказалі крыніцы журналістаў.
Міністр фінансаў ЗША прывёз у Кіеў праект пагаднення па прыродных рэсурсах
Зяленскі расказаў, як бачыць «здзелку» з Трампам па карысных выкапнях
Зяленскі: Кіеў адкрыты да супрацоўніцтва па здабычы рэдказямельных металаў
Шольц назваў жаданне Трампа абмяняць дапамогу Украіне на рэдказямельныя металы «эгаістычным»
Трамп прапанаваў дапамогу Украіне ў абмен на рэдказямельныя металы. Кіеў адказаў
Цяпер чытаюць
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5959
Каментары