У Літве сталі змагацца з паліўным бізнэсам кіроўцаў грузавікоў з Беларусі
Літоўскія мытнікі будуць вымяраць на мяжы ўзровень дызельнага паліва ў баках грузавых аўтамабіляў пры ўездзе і выездзе з краіны. Прычынай такой меры сталі выпадкі «незаконнага падпольнага скіду паліва з расійскіх і беларускіх грузавых аўтамабіляў», якія ідуць праз Літву транзітам.
Па звестках ведамства, на літоўскай тэрыторыі кіроўцы грузавікоў «спыняюцца ў сакрэтных, узгодненых пунктах» і зліваюць большую частку дызпаліва, якое затым прадаецца на чорным рынку. Такія выпадкі пачасціліся з пачатку года.
Паводле ацэнак мытнага ведамства, шкода, якая наносіцца дзяржаве незаконным скідам паліва і ўхіленнем ад выплаты імпартных пошлін, можа дасягаць 20 млн еўра ў год.
Цяпер кантроль за грузавікамі і выдаткоўваннем імі паліва будзе ўзмоцнены. У выпадку выяўлення парушэнняў пагражае штраф і канфіскацыя транспартнага сродку.
Каментары