На беларускім аўкцыёне хочуць прадаць стары плашч за 30 тысяч рублёў
Жыхарка Гомельскай вобласці размясціла на аўкцыённай пляцоўцы Ay.by аб'яву пра продаж плашча, пашытага, як адзначана, у 1950-х гадах. Рэч выглядае зусім звычайна, але цана яе дзівіць, піша Smartpress.by.
За шэры плашч у «выдатным стане» прадавец просіць ажно 30 тысяч рублёў.
Для параўнання: прыкладна такую ж суму просяць за пінжак Chanel 1990-х гадоў, а сучасны мужчынскі плашч ад Boss абыйдзецца амаль у дзесяць разоў танней — каля 3,5 тысячы рублёў.
На адным з фота бачная эмблема вытворцы — «Дружба». Такой маркіроўкай пазначалі адзенне, імпартаванае ў СССР з Кітая.
Аўкцыён завершыцца 22 лютага. Мяркуючы па каментарах, плашч знаходзіцца ў продажы ўжо з красавіка 2023 года.
Гэты ж прадавец выставіў на аўкцыён дзве сукенкі 1950-х гадоў. Прычым іх цана яшчэ вышэйшая — за кожную просяць 33 тысячы рублёў.
Стан адной з гэтых сукенак пазначаны як «новая», другой — «выдатны».
Рэдкі выпадак: памілаваны беларускі палітвязень пайшоў на вайну супраць Украіны16
Рэдкі выпадак: памілаваны беларускі палітвязень пайшоў на вайну супраць Украіны
«Стрэльба калі і стрэліць, то наўрад ці кулямётнай чаргой». Максім Знак ацаніў рэальнасць пагроз беларускай прапаганды пазбавіць грамадзянства палітэмігрантаў1212
Каментары