Фільм беларускага рэжысёра, які паказваецца на Берлінале, атрымаў узнагароду
Фільм беларускага рэжысёра Юрыя Сямашкі «Лебядзіная песня Фёдара Озерава», паказаны на Берлінале, атрымаў узнагароду ад чытацкага журы нямецкай газеты «Tagesspiegel», заўважыў Reform.news.
Гэтая ўзнагарода прысуджаецца з 2007 года найлепшаму фільму ў секцыі Forum Берлінскага кінафестывалю.
Сёлета журы, якое складалася з прадстаўнікоў розных краін і прафесій, вылучыла карціну Сямашкі за яе арыгінальны дызайн, гумарыстычныя дыялогі і глыбокі сэнс. У фільме праводзіцца паралель з міфам пра Арфея і Эўрыдыку, а таксама ўздымаецца тэма пошуку выйсця ў складаных абставінах.
Карціна расказвае пра маладога музыку Фёдара, які шукае швэдар, што дорыць яму натхненне. Падзеі адбываюцца ў часы напружанай палітычнай сітуацыі, напярэдадні магчымай вайны. Фільм стаў вынікам супольнай працы беларускай, літоўскай і нямецкай кінакампаній і быў цёпла прыняты на фестывалі.
Прэм’ера фільма адбылася 14 лютага, а ўсе квіткі на сённяшні паказ, 22 лютага, ужо распраданыя.
Цяпер чытаюць
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай8
Каментары