Карміў жырафаў і праяўляў цікаўнасць да змей і кракадзілаў.
20—23 лютага прэм’ер-міністр Беларусі здзейсніў візіты ва Уганду і Катар. У афрыканскай краіне Раман Галоўчанка меў нязвыклы для беларускіх чыноўнікаў адпачынак, заўважыла выданне «Салідарнасць».
Ва Угандзе Галоўчанку прыняў 80-гадовы прэзідэнт Ёверы Кагута Мусевені, які кіруе гэтай беднай афрыканскай краінай аж з 1986 года.
Беларускі прэм’ер развеяўся ў Адукацыйным цэнтры захавання дзікай прыроды Уганды (UWEC), які таксама вядомы як заапарк Энтэбэ.
Паводле мясцовых СМІ, Галоўчанка паглядзеў на сланоў, тыграў, львоў, насарогаў, шымпанзэ і жырафаў. Таксама паведамляецца, што падчас паездкі прэм’ер-міністр Беларусі «праявіў цікавасць да рэптылій, у тым ліку змей і кракадзілаў, якіх не было ў яго першапачатковым маршруце».
Пасля Уганды Галоўчанка адправіўся ў Катар, дзе сустрэўся з членамі кіруючай сям’і Катара і прадстаўнікамі мясцовага бізнесу.
Цяпер чытаюць
У міліцэйскім конкурсе прыгажосці перамагла амапаўка, якая ў 2020 годе разганяла пратэсты48
Каментары