Трамп можа ўжо сёння прыняць рашэнне аб поўным спыненні вайсковай дапамогі Украіне
Прэзідэнт ЗША разглядае магчымасць прыпынення або поўнай адмены паставак узбраення Украіне, у тым ліку ўжо абяцаных паставак боепрыпасаў і абсталявання. Пра гэта паведамляе The New York Times, спасылаючыся на крыніцу ў адміністрацыі Трампа.
Рашэнне можа быць прынята ўжо сёння пасля сустрэчы прэзідэнта ЗША з дзяржсакратаром Марка Рубіа і міністрам абароны Пітам Хегсэтам.
Абмеркаванне гэтага пытання звязана з канфліктам паміж Трампам і Уладзімірам Зяленскім падчас іх сустрэчы ў Белым доме. Трамп заявіў, што спыніць падтрымку Украіны, калі Кіеў не пойдзе на пагадненне з Масквой. Пасля гэтага інцыдэнту саюзнікі Трампа пачалі ціснуць на Зяленскага, намякаючы на магчымасць яго адстаўкі.
«Нам патрэбны лідар, які будзе весці перамовы з намі і, у выніку, з рускімі, каб скончыць гэтую вайну», — заявіў дарадца прэзідэнта ЗША па бяспецы Майк Уолтц у эфіры CNN.
З жорсткай заявай выступіў і лідар рэспубліканцаў у Палаце прадстаўнікоў Майк Джонсан. Ён падкрэсліў, што Зяленскі павінен альбо «адумацца» і сесці за стол перамоў, альбо саступіць месца іншаму прэзідэнту, які гатовы гэта зрабіць.
Нягледзячы на абвастрэнне канфлікту, Зяленскі спрабуе згладзіць сітуацыю. У сваім відэазвароце пасля саміту па Украіне ў Лондане ён падкрэсліў, што ўкраінцы «ўдзячныя за ўсю дапамогу, якую ЗША нам аказваюць».
Цяпер чытаюць
Пра што маўчыць Аляксей Францкевіч, якому Польшча закрыла ўезд на 10 гадоў54
Каментары