Свет

Францыя пачала выводзіць свае войскі з Сенегала. Яе ўплывы ў Афрыцы ўсё меншаюць

Францыя пачала афіцыйную працэдуру вываду войскаў з Сенегала. У пятніцу Парыж абвясціў, што перадаў кантроль над двума вайсковымі аб'ектамі ў гэтай заходнеафрыканскай краіне мясцовым уладам. Перадача баз адбылася пасля таго, як у канцы мінулага года Прэзідэнт Сенегала Басіру Дыямай Фай абвясціў, што ўсе замежныя войскі павінны пакінуць краіну, піша Euronews.

Фота: x.com/Senenews

«Французскі бок перадаў сенегальскаму боку аб'екты і жыллё ў раёнах Марэшаль і Сэнт-Экзюперы ў пятніцу, 7 сакавіка 2025 года, — гаворыцца ў заяве пасольства Францыі ў Сенегале. — Размешчаныя побач з паркам Хан, гэтыя раёны былі гатовыя да вяртання з лета 2024 года».

Толькі 200 французскіх вайскоўцаў яшчэ знаходзяцца на галоўнай вайсковай базе ў раёне Уакам у Дакары.

Лёс астатніх дзвюх баз яшчэ абмяркоўваецца. Сенегальскія ўлады не хочуць спяшацца з вывадам разведвальнага самалёта Falcon французскіх ВМС, які базуецца ў Дакары і дапамагае сенегальскім вайскоўцам у прадухіленні парушэнняў марской мяжы і незаконнага рыбалоўства.

У мінулым месяцы Парыж стварыў сумесную камісію з Дакарам для арганізацыі вываду войскаў. Нядаўна французская армія абвясціла аб звальненні 162 сенегальцаў, якія працавалі на вайсковых базах у краіне.

Новы нацыяналістычны ўрад Сенегала заняў цвёрдую пазіцыю ў дачыненні да прысутнасці французскіх войскаў у рамках больш маштабнай рэгіянальнай барацьбы са спадчынай каланіяльнага рэжыму. Па ўзаемнай дамове вывад французскіх войскаў павінен скончыцца на працягу 2025 года.

За апошнія гады Парыж пацярпеў шмат няўдач у вайсковай прысутнасці ў Афрыцы, асабліва на захадзе кантыненту. У лік краін, якія нядаўна настаялі на вывадзе французскіх войскаў, уваходзяць Чад, Нігер і Буркіна-Фасо. Востры абмен думкамі паміж прэзідэнтам Макронам, які абвінаваціў афрыканскія краіны ў няўдзячнасці, і новымі лідарамі афрыканскіх дзяржаў паскорыў гэты працэс. Замест французаў у якасці галоўнай знешняй сілы ў гэтыя краіны прыходзіць Расія, якая абапіраецца на ПВК «Вагнер».

Францыя заявіла, што плануе рэзка скараціць сваю прысутнасць на ўсіх сваіх базах у Афрыцы, уключаючы 350 вайскоўцаў у Сенегале, за выключэннем Джыбуці на ўсходзе кантыненту. Па словах Парыжа, замест гэтага яна можа праводзіць навучанне або аказваць мэтавую вайсковую падтрымку зыходзячы з патрэб кожнай асобнай краіны.

Каментары

Цяпер чытаюць

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны19

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Усе навіны →
Усе навіны

«Спадзяюся, ты памрэш і пазбавіш нас ад пакут». Пасля адстаўкі кіраўніка Nvidia падначаленыя расказалі пра ягоныя істэрыкі11

У Чэхіі адбылася найбуйнейшая з 1989 года акцыя пратэсту10

Штодзённая кава стымулюе кішэчнік і зніжае рызыку Паркінсона. Каб даказаць гэта, правялі незвычайны эксперымент5

Эстонія закрывае мяжу з Расіяй з 1 снежня. Прычынай стала спроба ГРУ падпаліць абаронны завод 19

Пяць краін ЕС адкрываюць у Руандзе лагер для дэпартаваных мігрантаў. Раней Брытанія страціла на падобнай схеме амаль мільярд даляраў6

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал27

У Мінску адкрылі новую дыспетчарскую станцыю замест знесенай савецкай. Але будынка там няма — толькі бытоўка і біятуалет1

У Беларусі за апошнія гады ліквідавалі 40 праваслаўных прыходаў5

Украінскія дроны не могуць дагнаць рэактыўныя «Шахеды». У SpaceX кажуць пра тэхнічны збой3

больш чытаных навін
больш лайканых навін

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны19

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Галоўнае
Усе навіны →

Заўвага:

 

 

 

 

Закрыць Паведаміць