Тэмпы расійскага наступлення на фронце ва Украіне другі тыдзень запар застаюцца мінімальнымі за год.
Расійскія вайскоўцы практычна перасталі прасоўвацца на фронце ва Украіне. За мінулы тыдзень расійскім вайскоўцам удалося захапіць 14,4 квадратных кіламетраў тэрыторыі, а тыднем раней — 12,9 кв км.
За мінулы тыдзень (3-9 сакавіка) больш за ўсё тэрыторыі (12,4 кв км) расійскія вайскоўцы захапілі ў раёне Сватава Луганскай вобласці. На гэтай тэрыторыі, згодна з картай DeepState, не было населеных пунктаў.
Яшчэ 2,4 кв км Расіі ўдалося захапіць на поўдні Данецкай вобласці, у раёне вёскі Прывольнае (9 км на захад ад Вялікай Навасёлкі). Пры гэтым за той жа перыяд Расія страціла кантроль прыкладна над 0,5 кв км у раёне вёскі Пясчанае прыкладна за 7 км ад Пакроўска Данецкай вобласці, высветліла «Агенцтва».
Тыднем раней (24 лютага — 2 сакавіка) асноўнае прасоўванне расійскіх вайскоўцаў (13,3 кв км) было зафіксавана на поўдні Данецкай вобласці, дзе быў захоплены пасёлак Бурлацкае. Яшчэ 2,5 кв км тэрыторыі Расія захапіла ў раёне вёскі Залатароўка Луганскай вобласці (прыкладна 15 км на захад ад Лісічанска). За той жа перыяд Расія страціла каля 3 кв км на іншых участках фронту. Апошні раз менш за 15 кв км за тыдзень Расія захапіла ва Украіне ў красавіку 2024 года.
Расійскае наступленне ў Данецкай вобласці спынілася з-за дрэннага надвор'я, знясілення расійскіх сіл і эфектыўнай адаптацыі УСУ да расійскіх метадаў вядзення бою, сказаў The New York Times старшы навуковы супрацоўнік Фонду Карнегі Майкл Кофман. Па яго словах, хоць пакуль рана казаць пра стабілізацыю фронту, сітуацыя для Украіны паляпшаецца.
У той жа час украінскія вайскоўцы, якія размаўлялі з журналістамі газеты, чакаюць перагрупіроўкі расійскіх вайскоўцаў і новага наступлення, паколькі Расія можа скарыстацца спыненнем амерыканскай ваеннай дапамогі.
Пасля спынення расійскага наступлення УСУ змаглі вярнуць сабе некаторыя выгадныя пазіцыі для абароны Пакроўска, які стаў адной з галоўных мэтаў расійскай арміі, расказалі ўкраінскія вайскоўцы NYT. Таксама ўкраінскія вайскоўцы, па іх уласных словах, прасоўваюцца ў гарадскіх баях у Тарэцку. OSINT-аналітыкі і Z-ваенкоры ў пачатку сакавіка паведамлялі, што УСУ змаглі вярнуцца ў цэнтр Тарэцка і стварыць пагрозу акружэння для расійскай групоўкі.
Спыненне прасоўвання ва Украіне супала па часе з актывізацыяй расійскіх аперацый у Курскай вобласці. За апошні тыдзень (з 2 сакавіка) у гэтым расійскім рэгіёне УСУ страцілі кантроль прыкладна над 25% захопленай тэрыторыі.
Расійскае наступленне ў Данецкай вобласці набрала абароты ў жніўні мінулага года, калі Украіна перакінула тысячы сваіх самых загартаваных у баях вайскоўцаў у Курскую вобласць. Украіна спадзявалася, што ўварванне прымусіць Крэмль перакінуць рэсурсы з Данецкай вобласці, але тады гэтага не адбылося. У лістападзе расійскія вайскоўцы прасоўваліся ва Украіне рэкорднымі тэмпамі, аднак да канца 2024 — пачатку 2025 года тэмпы наступлення пачалі скарачацца і цяпер упалі амаль да нуля.
Лукашэнка: У 2020 годзе каля Палаца Незалежнасці не пакістанцы бегалі20
Каментары
Таму і загаласілі:
"Украіна не хоча міру!"