Фільм «Пад шэрым небам», дзе прататыпам стала Кацярына Андрэева, выходзіць у польскі пракат
У польскіх кінатэатрах ён будзе паказаны з 28 сакавіка, паведаміла ў сваім фэйсбуку рэжысёрка Мара Тамковіч.
Кінастужка расказвае пра гісторыю журналісткі Лены Антонавай і Іллі Ігарава, сужэнцаў, якія і сталі ўвасабленнямі Кацярыны Андрэевай і Ігара Ільяша.
Усё пачынаецца ў мінскім таксі, дзе Алена Антонава і яе аператарка Вольга Кальцова (кіношнае ўвасабленне Дар’і Чульцовай) едуць здымаць пратэсты на Плошчы перамен. Дзеля бяспекі журналісткі працуюць з жылой кватэры, і ў нейкі момант міма іх пралятае дрон сілавікоў. Алена разумее, што іх маглі заўважыць, але вырашае застацца ў кватэры, каб не спыняць стрым — вядома, усё сканчаецца ўварваннем сілавікоў.
За стрым з Плошчы Перамен Кацярына Андрэева атрымала два з паловай гады калоніі, але з турмы не выйшла, яе потым асудзілі яшчэ на восем гадоў калоніі, яе мужа Ігара Ільяша затрымалі ўвосень мінулага года і таксама будуць судзіць за «садзейнічанне экстрэмісцкай дзейнасці» і «дыскрэдытацыю Беларусі».
У сям'і Міронцавых за палітыку ўжо асудзілі маці і трох сясцёр. А цяпер арыштавалі і мужа адной з сясцёр3
Каментары