Расійскія дзяржаўныя СМІ апублікавалі кадры, на якіх, як сцвярджаецца, Уладзімір Пуцін наведвае адзін з камандных пунктаў у Курскай вобласці.
На прадэманстраваных відэа Пуцін у вайсковай форме, яго сустракае начальнік Генеральнага штаба УС РФ Валерый Герасімаў.
Агенцтва ТАСС падкрэслівае, што Пуцін упершыню наведаў Курскую вобласць з моманту ўварвання ўкраінскіх войскаў у гэты рэгіён, якое адбылося 6 жніўня 2023 года.
Валерый Герасімаў заявіў, што на сённяшні дзень расійскія войскі кантралююць больш за 86% ад плошчы, занятай раней УСУ ў Курскай вобласці. Па словах начальніка Генштаба, за апошнія пяць дзён расійская армія ўзяла пад свой кантроль 24 населеныя пункты і 259 кв. км тэрыторыі.
У сваю чаргу, Уладзімір Пуцін заявіў, што Курскую вобласць «трэба цалкам вызваліць» і «падумаць пра стварэнне зоны бяспекі ўздоўж дзяржмяжы».
У той жа час у незалежных расійскіх СМІ выказваюцца сумневы, што відэа з Пуціным сапраўды знятае ў Курскай вобласці і звяртаюць увагу на незвычайныя моманты ў ім. Так, каментуючы поўнае відэа з нарады Пуціна, выстаўленае супрацоўнікам тэлеканала «Расія» Паўлам Зарубіным, выданне «Медуза» адзначае:
«На ім у прэзідэнта Расіі незвычайна высокі голас, які да таго ж не супадае з карцінкай».
Праўда, у афіцыйным тэлеграм-канале Крамля пасля выклалі відэа выступлення Пуціна, на якім у яго ўжо нармальны голас.
«Будуць выстаўленыя невыканальныя ўмовы». У Крамлі абмяркоўваюць сцэнары адмовы ад часовага перамір'я
Трамп заявіў, што ягоныя прадстаўнікі едуць у Расію «проста цяпер»
Reuters: Пуцін наўрад ці пагодзіцца на спыненне агню ва Украіне
Пагрозы акружэння ўкраінскіх сілаў у Курскай вобласці пакуль няма — Сырскі
«Трапілі пад няхілую раздачу». Што цяпер адбываецца ў Курскай вобласці?
«Ці адкажуць за тых, хто задыхнуўся?» Расійскія ваенкары пішуць аб правале штурму Суджы праз газаправод
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам13
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2020
Каментары