Прычына, па якой да журналісткі Яўгеніі Сугак прыехала паліцыя па званку суседа, беларусу можа падацца вельмі дзіўнай.
Пра выпадак, які з ёй адбыўся ў Берліне, Яўгенія Сугак расказала ў новым выпуску свайго ютуб-праекта «Мне таксама не падабаецца».
«У мяне нядаўна сусед выклікаў паліцыю на нас. І не таму, што ў нас была вечарынка. Гэта было а 10-й вечара, і яму не спадабалася, як у нас брахаў сабака. Гэта ўжо парушэнне рэжыму цішыні», — адзначае жанчына і прыводзіць падрабязнасці.
«Нас не было дома. Ён нам пазваніў. Мы сказалі, што вяртаемся, таму што мы былі літаральна за 15 хвілінаў. Але ў яго ўжо быў іншы настрой. І ён выклікаў міліцыю. І вось прыехала двое паліцэйскіх».
Па словах Сугак, сабака пры паліцэйскіх паводзіў сябе вельмі міла:
«Быў такі харошы, хадзіў паміж імі і ўсміхаўся. У выніку паліцэйская не вытрымала, нахілілася і пачала яго гладзіць. Гэта ўсё [адбывалася] у працэсе нашай размовы, таму што быў яшчэ сусед».
Журналістка адзначае, што калі ўбачыла ў дзвярное вочка паліцыю, яна ні на секунду не спалохалася:
«Я была настолькі расслабленая. Адчыніла ім дзверы. Мы добра пагаварылі. Да нас не было пытанняў. Яны сказалі суседу, што гэта жылы дом і ўсялякае бывае.
Але не было ўвогуле ні секунды нават [спалоху]. Унутры нічога не сціснулася. І гэта, мне падаецца, адна з фундаментальных рэчаў. Ты не баішся тут тых, хто павінен цябе па факце абараняць».
Цяпер чытаюць
Былы беларускі міліцыянер шукае «пародзістую прыгажуню». Называе сябе мільянерам, а сам судзіцца з былой жонкай за аліменты26
Каментары
Чувствуется, что даже достаточно левая американская ведущая в некотором а"е. https://www.cbsnews.com/news/policing-speech-online-germany-60-minutes-transcript/
И 10 часоў ў заходнім свеце (а тым больш ў нямецкім) гэта ўжо не вечар а глыбокая ноч.