«На першым спатканні я б прапанавала ўсім жанчынам плаціць самастойна»
Журналістка Яўгенія Сугак патлумачыла гэты падыход.
У новым ютуб-шоу «Уехавшие/оставшиеся» абмяркоўвалі адносіны мужчын і жанчын, спатканні і дадаткі для знаёмстваў.
Журналістка, аўтарка праектаў «Мне таксама не падабаецца» і «Гадзіннічак цікае» Яўгенія Сугак выказала сваё меркаванне наконт таго, хто павінен плаціць на першым спатканні.
«На першым спатканні я б прапанавала ўсім жанчынам плаціць самастойна. То-бок, гэта не тыя сумы, якія ты супер сэканоміш, калі ён купіць табе вячэру. Не, гэта тыя грошы, якія трэба патраціць. Затое гэта цябе вызваляе.
Мы ўсе дарослыя людзі, мы ўсе разумеем, што за вячэру ніхто нікуды ні з кім ісці не павінен. Але ўсё адно, калі за цябе заплацяць, у цябе крыху з'яўляецца такое часта, што ты ўжо, можа быць, штосьці і не сказала б, што ты думаеш, не была б настолькі прамалінейнай ці яшчэ штосьці.
Не трэба вось гэтага лішняга кантэксту, не трэба, каб у іх быў гэты кантэкст»,
— выказалася Яўгенія.
Марына Ментусава, блогерка і гендарная асветніца, яе падтрымала.
«У мяне была сітуацыя, калі я заплаціла за сябе на спатканні, і мужчына пасля сказаў, што ён не будзе больш са мной сустракацца ў прынцыпе. Эга — вось гэты мем з шарыкам з мужчынскім эгам і literally nothing [літаральна нічога], іголачкай, якім што заўгодна можа нашкодзіць», — сказала Марына.
-
Украінская мадэль згуляла з грузінскім бізнэсменам вяселле ў Канах на 5 мільёнаў еўра. Вядучымі былі Яўген Перлін і Максім Галкін
-
Вандроўнік і бізнэсовец з Мінска за два дні знайшоў сабе праз сацсеткі нявесту — найбольш спадабалася дзяўчына з Расіі
-
«Дзяўчаты, гэта рэальна працуе!» Нявеста Пратасевіча расказала, як прываражыла будучага мужа чырвонымі трусамі
Цяпер чытаюць
На пратэстанцкі фестываль у «Чыжоўку-Арэну» едзе амерыканскі прапаведнік Франклін Грэм. Разам з ім чакаюць Коўла з жонкай8
Каментары