Будаўніка, які доўгі час жыў у Расіі, асудзілі ў Віцебску за палітыку. А цяпер абвясцілі «тэрарыстам»
Суд над Максімам Старасценкам скончыўся месяц таму, але ягоная асоба стала вядомая толькі цяпер.
Максіму Старасценку 37 гадоў. Ён з Віцебска. Некалькі гадоў Максім працаваў у Расіі, збольшага ў будаўнічых арганізацыях. Жыў ён у Маскве.
Хлопец займаецца спортам і любіць падарожнічаць. Таксама цікавіцца музыкай розных стыляў, часта хадзіў на канцэрты.
Апошні раз ён быў анлайн у верасні 2024 года.
Максіма асудзілі 20 лютага 2025 года ў Віцебскім абласным судзе. Яго вінавацілі ў «распальванні варожасці» (ч. 1 арт. 130 КК) і «навучанні або падрыхтоўцы асоб да ўдзелу ў масавых беспарадках або фінансаванні ці іншым матэрыяльным забеспячэнні масавых беспарадкаў» (ч. 3 арт. 293 КК). Яму пагражала да пяці гадоў зняволення.
У выніку Старасценку прысудзілі тэрмін у калоніі, але невядома, які канкрэтна.
А цяпер КДБ уключыў хлопца ў спіс асобаў, датычных да тэрарыстычнай дзейнасці.
«Наша Нiва» — бастыён беларушчыны
ПАДТРЫМАЦЬЦяпер чытаюць
33-гадовы Даніла Гаркавы, які нечакана пакінуў Офіс Ціханоўскай, расказаў пра сваю анкалогію і сем аперацый5
33-гадовы Даніла Гаркавы, які нечакана пакінуў Офіс Ціханоўскай, расказаў пра сваю анкалогію і сем аперацый
«Мінімальны заробак доктара ў Польшчы большы, чым я мела ў беларускім прыватным цэнтры». Доктарка Маркелава — пра працу ў польскай бальніцы і выраб натуральнай касметыкі1515
Каментары