Польшча з пачатку года дэпартавала больш за 200 грамадзян Беларусі
У асноўным ідзе гаворка пра замежнікаў, якія парушылі законы Польшчы.
З Польшчы з пачатку года дэпартавалі больш за 200 грамадзян Беларусі, піша Reform.news са спасылкай на Rzeczpospolita.
«Сярод замежнікаў, у дачыненні да якіх былі выкананыя рашэнні аб абавязковым вяртанні, найбольшую колькасць складаюць грамадзяне Грузіі, Беларусі і Малдовы», — цытуе выданне словы падпалкоўніка Анджэя Юзвяка, прадстаўніка галоўнага камандавання Памежнай аховы.
Усяго за два месяцы з Польшчы былі дэпартаваныя больш за 1300 замежнікаў — на 85% больш, чым летась. У гэты лік ўваходзяць 260 грамадзян Грузіі і 220 грамадзян Беларусі.
Трэба адзначыць, што ў іншым месцы артыкула называецца лічба ў 240 грамадзян Беларусі, дэпартаваных сёлета, супраць 100 летась.
Акрамя таго, з краіны выслалі 150 грамадзян Малдовы, 90 — Калумбіі, 80 — Украіны і 60 — Расіі.
У асноўным ідзе гаворка пра замежнікаў, якія парушылі законы Польшчы. Як вынікае з матэрыялу, сярод іх — асуджаныя за нападзенні, бойкі, цялесныя пашкоджанні, п’янае кіраванне, парушэнне забароны на ваджэнне транспартных сродкаў, а таксама перавозчыкі мігрантаў.
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?19
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары