Пуцін прапанаваў увесці знешняе кіраванне ва Украіне для правядзення выбараў і паабяцаў дабіць УСУ
Такія заявы ён зрабіў позна ўвечары ў чацвер, падчас размовы з маракамі падводнай лодкі «Архангельск».
Паводле слоў Пуціна, неабходна ўвесці часовае кіраванне ва Украіне пад эгідай ААН і заходніх краін, каб «прывесці да ўлады дзеяздольны ўрад, які карыстаецца даверам народа», з якім Расія зможа падпісаць мірную дамову, паведамляе тэлеканал «Дождь».
«Можна было б пад эгідай ААН, ЗША, з еўрапейскімі краінамі, вядома ж, з нашымі партнёрамі і сябрамі абмеркаваць магчымасць увядзення ва Украіне часовага кіравання. Для таго, каб правесці дэмакратычныя выбары», — сказаў ён.
Ён дадаў, што выбары прэзідэнта Украіны летась не праводзіліся, таму Уладзімір Зяленскі «не можа лічыцца легітымным кіраўніком дзяржавы». На думку Пуціна, ва ўмовах, што склаліся, Украінай пачынаюць кіраваць «неанацысцкія фарміраванні» кшталту «Азова».
Пуцін таксама заявіў, што Расія «валодае стратэгічнай ініцыятывай па ўсёй лініі фронту» і можа разбіць УСУ. Па яго словах, расійская армія захапіла 99% тэрыторыі Луганскай вобласці, а таксама больш за 70% тэрыторый Данецкай, Запарожскай і Херсонскай абласцей. На яго думку, Расія «паступова, не так хутка, як камусьці хацелася б», рухаецца да дасягнення заяўленых мэтаў.
У ЗША пракаментавалі прапанову Пуціна аб знешнім кіраванні ва Украіне. Прадстаўнік Рады нацыянальнай бяспекі Белага дома заявіў, што кіраванне ва Украіне вызначаецца яе канстытуцыяй і народам краіны.
Цяпер чытаюць
Рэдкі выпадак: памілаваны беларускі палітвязень пайшоў на вайну супраць Украіны19
Рэдкі выпадак: памілаваны беларускі палітвязень пайшоў на вайну супраць Украіны
«Стрэльба калі і стрэліць, то наўрад ці кулямётнай чаргой». Максім Знак ацаніў рэальнасць пагроз беларускай прапаганды пазбавіць грамадзянства палітэмігрантаў1212
Каментары