Кіраўнік МЗС Польшчы абмяркоўваў у Вашынгтоне вызваленне журналіста Анджэя Пачобута
Кіраўнік Міністэрства замежных спраў Польшчы Радаслаў Сікорскі паведаміў, што падчас апошняга візіту ў Вашынгтон абмяркоўваў вызваленне беларускага журналіста і актывіста польскага паходжання Анджэя Пачобута, піша Most са спасылкай на Wp.pl.
Ён не раскрыў падрабязнасцяў, адзначыўшы, што дэталі павінны заставацца канфідэнцыяльнымі.
— Калі б гэта залежала ад мяне, вядома, Анджэй Пачобут быў бы на свабодзе, але, на жаль, ён знаходзіцца ва ўладзе аўтарытарнага рэжыму, — сказаў Сікорскі.
Сікорскі наведваў Вашынгтон яшчэ 21—25 лютага 2025 года. Тады ён сустракаўся з дзяржсакратаром ЗША Марка Рубіа. Яны абмяркоўвалі, у прыватнасці, сітуацыю ва Украіне і трансатлантычныя адносіны.
25 сакавіка гэтага года споўнілася чатыры гады з моманту арышту Анджэя Пачобута. Праз два гады, у лютым 2023 года, яго асудзілі на восем гадоў за нібыта распальванне нацыянальнай варожасці, рэабілітацыю нацызму і заклікі да санкцый.
Паводле даных праваабаронцаў, у 2025 годзе палітвязню працягнулі на паўгода рэжым ПКТ — памяшкання камернага тыпу, дзе ўсталяваны больш строгі рэжым утрымання.
-
У Мінску прадаюцца ягады па 150 рублёў за кілаграм
-
«Я так далёка забралася. Шкада толькі, што не магу паказаць гэта тату». Як жыве дачка Паўла Шарамета праз 10 гадоў пасля яго гібелі
-
Стаў вядомы прысуд падпалкоўніку Чарамных, якога абвінавачвалі ў здрадзе дзяржаве і ў «распальванні варожасці» пры гэтым
Цяпер чытаюць
«Я так далёка забралася. Шкада толькі, што не магу паказаць гэта тату». Як жыве дачка Паўла Шарамета праз 10 гадоў пасля яго гібелі6
Каментары