Кіно

Пазнаёмцеся з The Beatles: рэжысёр новых фільмаў пра ліверпульскую чацвёрку прадставіў выканаўцаў галоўных роляў

Зацверджаны акцёрскі склад баёпікаў пра гурт The Beatles. Рэжысёр Сэм Мендэс здыме адразу чатыры фільмы — асобны фільм пра кожнага музыканта з ліверпульскай чацвёркі.

Пол Мескал, Джозэф Куін, Бары Кеаган і Харыс Дыкінсан. Фота: Ethan Miller / Getty Images

 Вядомы па ролях у «Звычайных людзях» і «Гладыятары 2» Пол Мескал сыграе Пола Макартні, зорка «Солтбёрна» Бары Кеаган стане Рынга Старам, вядомы па «Фантастычнай чацвёрцы» Marvel Джозэф Куін сыграе Джорджа Харысана, а Джона Ленана ўвасобіць Харыс Дыкінсан, якога нядаўна можна было ўбачыць у фільме «Дрэнная дзяўчынка» (Babygirl) з Ніколь Кідман, піша Бі-бі-сі.

Рэжысёр анансаваў новы праект на сцэне фестывалю CinemaCon у Лас-Вегасе ў мінулы панядзелак.

«Кожны фільм расказвае гісторыю з пункту гледжання аднаго з хлопцаў, — распавёў ён на мерапрыемстве. — Яны перасякаюцца па-рознаму — часам дублююцца, а часам не. Гэта чатыры зусім розныя чалавекі. Магчыма, гэта шанец зразумець іх трохі глыбей. А разам гэтыя чатыры фільмы раскажуць гісторыю найвялікшага гурта ў гісторыі».

Фільмы выйдуць амаль адначасова — у красавіку 2028 года.

«Я проста заўсёды адчуваў, што гісторыя гурта занадта вялікая, каб змясціцца ў адзін фільм, а пераўтварэнне яе ў міні-серыял таксама не здавалася правільным», — патлумачыў рэжысёр.

Ірландскаму акцёру Полу Мескалу 29 гадоў. Ён стаў вядомы дзякуючы ролі ў серыяле Бі-бі-сі «Нармальныя людзі» у 2020 годзе. Потым ён зняўся ў фільмах «Сонца маё», за які быў намінаваны на «Оскар», і «Незнаёмцы», а таксама выканаў галоўную ролю ў сіквеле «Гладыятара». Акрамя Пола Макартні, ён рыхтуецца сыграць яшчэ аднаго знакамітага брытанца — Уільяма Шэкспіра — у экранізацыі рамана Мэгі О'Фарэл «Хамнет».

Харыс Дыкінсан стаў зоркай дзякуючы ролям у фільмах «Малефісента», «King's Man: Пачатак», «Трохвугольнік смутку» і «Там, дзе ракі пяюць», а затым сыграў каханага Ніколь Кідман у «Дрэннай дзяўчынцы». 28-гадовы брытанец быў намінаваны на прэмію BAFTA за ролю ў серыяле «Забойства на краі свету». Ён — адзін з фаварытаў букмекераў на ролю наступнага Джэймса Бонда.

Бары Кеаган, верагодна, мае найбольшае вонкавае падабенства з яго бітлам — бубначом Рынга. Ірландскі акцёр — найстарэйшы ў акцёрскай чацвёрцы (32 гады) і адна з самых яркіх зорак Галівуда. У 2023 годзе ён атрымаў прэмію BAFTA і намінацыю на «Оскар» за фільм «Баншы Інішэрына», а затым узначаліў акцёрскі склад фільма «Солтбёрн».

Джозэф Куін сыграў Эдзі Мансану ў чацвёртым сезоне серыяла Netflix «Вельмі дзіўныя справы», здымаўся ў фільме «Ціхая месца: Дзень першы» і з’явіўся разам з Мескалам у «Гладыятары 2». Перш чым сыграць гітарыста Beatles Харысана, 31-гадовы лонданец з’явіцца ў ролі Джоні Шторма (Чалавека-Факела) ў фільме «Фантастычная чацвёрка: Першыя крокі» і двух фільмах пра Мсціўцаў кінематаграфічнай сусвету Marvel.

Фільм пра Beatles здымаюць не ўпершыню, але ўпершыню ўсе жывыя ўдзельнікі гурта і спадкаемцы тых, хто ўжо памёр, надалі стваральнікам поўныя правы на іх жыццёвыя гісторыі і музыку.

Каментары

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Жонка Арцёма, які эміграваў у Іспанію з сям’ёй і застаўся там адзін, адказала, чаму ў Баранавічах лепш, чым у Барселоне16

Жонка Арцёма, які эміграваў у Іспанію з сям’ёй і застаўся там адзін, адказала, чаму ў Баранавічах лепш, чым у Барселоне

Усе навіны →
Усе навіны

Трамп паабяцаў раскрыць дэталі «мірнага пагаднення» паміж Расіяй і Украінай на працягу трох дзён9

Сотні рублёў, каб эфектна даведацца пол будучага дзіцяці: беларусы робяць усё больш маштабныя гендар-паці22

Назвалі афіцыйную прычыну смерці Папы Францішка1

«Мяне грохнуць на другі дзень». Прапагандыстка Сіманьян расказала, як хацела ехаць ваяваць — а пасля перадумала7

Лукашэнка абвінаваціў у праблемах на «Амкадоры» ягонага былога ўладальніка5

Сцяпан Пуціла: Здаецца, Пратасевіч робіць нават крыху больш, чым ад яго патрабавалася9

Пад Жодзінам будуюць прыёмнік для фекалій з Мінска. Мясцовыя супраць, але пратэставаць ім не даюць10

«Далей будзе засуха». На Палессі перасыхаюць балоты, і гэта можа мець кепскія наступствы2

Першыя «калючыя» агуркі, буякі па 120 рублёў і маладая бульба. Што і па колькі цяпер на Камароўцы?

больш чытаных навін
больш лайканых навін

Жонка Арцёма, які эміграваў у Іспанію з сям’ёй і застаўся там адзін, адказала, чаму ў Баранавічах лепш, чым у Барселоне16

Жонка Арцёма, які эміграваў у Іспанію з сям’ёй і застаўся там адзін, адказала, чаму ў Баранавічах лепш, чым у Барселоне

Галоўнае
Усе навіны →

Заўвага:

 

 

 

 

Закрыць Паведаміць