Праваахоўныя органы Польшчы дагэтуль не могуць вызначыць месца знаходжання Анжалікі Мельнікавай і ейных дзяцей. Пра гэта паведаміў прадстаўнік Аб’яднанага пераходнага кабінета Павел Латушка, паведамляе «Белсат».
«На сённяшні дзень праваахоўныя органы Польшчы не вызначылі месца перабывання Анжалікі і яе дзяцей. Пра гэта я быў праінфармаваны падчас сустрэчы сёння. Няма і адзінай прыярытэтнай версіі прычынаў яе знікнення. Адзінае, што ўдакладнілі ў праваахоўных органах, — гэта тое, што Анжаліка Мельнікава пакінула тэрыторыю Еўрасаюза 26 лютага, а яе былы муж пакінуў тэрыторыю Польшчы ў кірунку Беларусі 3 сакавіка», — заявіў Павел Латушка 2 красавіка.
Выканаўца абавязкаў спікеркі Каардынацыйнай рады Стася Гліннік расказала на паседжанні Каардынацыйнай рады 1 красавіка, што пошукі зніклай спікеркі КР Анжалікі Мельнікавай трываюць. Са спасылкаю на польскія праваахоўныя органы Гліннік паведаміла: плёну пошукі пакуль не прынеслі. Апошні тэкставы кантакт з Мельнікаваю быў раніцаю 25 сакавіка. Што з ёй з таго часу, невядома.
Мабільны Анжалікі Мельнікавай з 19 сакавіка знаходзіцца на тэрыторыі Беларусі
Да якой адчувальнай інфармацыі мела доступ зніклая Анжаліка Мельнікава?
Латушка: Мельнікава вылецела за межы ЕС у канцы лютага
Працоўную групу КР па сітуацыі са знікненнем Анжалікі Мельнікавай узначаліў былы работнік офіса Васкрасенскага
Цяпер чытаюць
Здзелка Трампа з Пуціным: чым за яе могуць заплаціць Украіна і Беларусь24
Здзелка Трампа з Пуціным: чым за яе могуць заплаціць Украіна і Беларусь
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі77
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі7
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы88
Каментары