У велікодны панядзелак 21 красавіка ў Ватыкане памёр Папа Францішак. Яму было 88 гадоў. Ён памёр у сваёй рэзідэнцыі Каса-Санта-Марта пасля працяглай хваробы. Пантыфік кіраваў Каталіцкім Касцёлам з 2013 года.
Францішак, у свеце Хорхе Марыа Бергольа, нарадзіўся 17 снежня 1936 года ў Буэнас-Айрэсе, Аргенціна, у сям’і італьянскіх імігрантаў.
Ён атрымаў адукацыю ў галіне хіміі, аднак хутка адчуваў пакліканне да духоўнага жыцця і ўступіў у ордэн езуітаў. У 1969 годзе быў пасвечаны ў святары, а ў 1998 годзе стаў арцыбіскупам Буэнас-Айрэса.
У 2001 годзе Ян Павел ІІ пасвяціў яго ў сан кардынала.
13 сакавіка 2013 года Бергольа быў абраны Папам пасля адстаўкі Бенедыкта XVI. Ён стаў першым пантыфікам з Лацінскай Амерыкі, першым езуітам на гэтым пасадзе і першым, хто ўзяў імя Францішка — у гонар святога Францішка Асізскага, сімвала беднасці і пакоры.
Папа Францішак імкнуўся адкрыць Касцёл для сучаснага свету. Ён паслядоўна выступаў за сацыяльную справядлівасць, клопат пра навакольнае асяроддзе, дыялог паміж рэлігіямі і падтрымку бедных.
Францішак адмовіўся ад раскошы папскай рэзідэнцыі і жыў у простым гасцявым доме.
Ён часта ездзіў у падарожжы, наведваючы краіны, дзе хрысціяне праследуюцца або жывуць у цяжкіх умовах.
Вернікі ў Ватыкане і па ўсім свеце ўжо збіраюцца, каб развітацца з Пантыфікам, які стаў для многіх не толькі духоўным лідарам, але і голасам сумлення ў гэтым свеце.
-
У Эфіопіі пасля некалькіх гадоў перапынку зноў разгараецца поўнамаштабная грамадзянская вайна. Можа дэстабілізавацца і ўвесь рэгіён
-
Швейцарскія ледавікі растаюць, за мінулы год страчаная рэкордная колькасць лёду. Чым гэта пагражае?
-
Украінца пакаралі ўмоўным тэрмінам за перадачу Беларусі праграмы для вайсковага авіяцыйнага трэнажора
Цяпер чытаюць
Усіх студэнтак беларускіх ВНУ абавязалі тэрмінова запоўніць анкету з пазначэннем свайго росту57
Каментары