У 2022 годзе ў Беларусі з'явілася кампанія «Лепшы брэнд», якая займаецца продажам бомбераў брэнда Lepshy. Пра яе прыбытак піша «Люстэрка».
У такой куртцы, як на фота, у 2022 годзе Аляксандр Лукашэнка з'явіўся ў Хатыні. Тэлеграм-канал «Пул першага» тады заявіў, што гэта новы брэнд, створаны спецыяльна для палітыка. У той жа час прапагандысцкае медыя «Мінская праўда» пісала, што гэта брэнд ад Лукашэнкі.
У 2024 годзе выручка ад продажу прадукцыі кампаніі «Лепшы брэнд» вырасла амаль у чатыры разы ў параўнанні з 2023-м: з 660 тыс. да 2,6 млн. А прыбытак павялічыўся з 59 тыс. да 546 тыс. рублёў.
За год чысты прыбытак (даход пасля выліку ўсіх выдаткаў і падаткаў) павялічыўся больш чым у дзевяць разоў: з 54 тыс. да 502 тыс. рублёў.
Звяртае на сябе ўвагу, што ў фінансавай справаздачы не фігуруе сума выплачанага падатку на прыбытак — ні ў 2023, ні ў 2024 годзе. З дакумента вынікае, што фірма яго не ўносіла.
Што тычыцца іншых падаткаў і збораў, то іх кампанія выплаціла на 475 тыс. Годам раней было 134 тыс. рублёў.
На канец года гатовай прадукцыі на складах у яе назапасілася на 314 тыс. рублёў.
Каму належыць кампанія
Кампаніяй валодае сябар Лукашэнкі Дзмітрый Баскаў, якому належыць 80% акцый, і Анфілава Марына Валер'еўна, якая мае астатнія 20%.
Раней у першы год працы арганізацыі сярод заснавальнікаў значылася таксама дызайнер бомбераў Анастасія Фальковіч. А кіруе кампаніяй з 2023 года Вікторыя Сотнікава.
У «Лепшага брэнда» ёсць два магазіны — у «Галерэя Элаціа» і ТЦ «Першы Нацыянальны гандлёвы дом».
Цяпер чытаюць
«Больш за 10 чалавек выехалі ў Еўропу — і гэта толькі з майго аддзялення». Рэаніматолаг з райцэнтра шчыра апісаў будні беларускай медыцыны4
Каментары