Краіны Еўропы рыхтуюцца ваяваць з Расіяй у найбліжэйшай будучыні і не хаваюць гэтага, заявіў сакратар Рады бяспекі РФ, экс-міністр абароны Сяргей Шайгу.
«У Еўропе разгортваецца нічым не прыкрытая кампанія па падрыхтоўцы да ваеннага канфлікту з Расійскай Федэрацыяй. На розных узроўнях агучваюцца магчымыя тэрміны такога сутыкнення — ад трох да пяці гадоў. Ужо ў 2030 годзе еўрапейскія палітыкі і вайскоўцы хочуць быць гатовымі ваяваць з намі», — сказаў Шайгу ў інтэрв’ю ТАСС.
Таксама ён дапусціў сутыкненне з НАТА, калі еўрапейскія краіны вырашаць накіраваць сваіх вайскоўцаў у якасці міратворцаў на «гістарычныя тэрыторыі Расіі» ва Украіне. Паводле яго слоў, «здраважныя палітыкі ў Еўропе» разумеюць, што гэта прывядзе да Трэцяй сусветнай вайны.
Шайгу нагадаў, што Расія выступала супраць прысутнасці вайскоўцаў з краін НАТА ва Украіне яшчэ да пачатку паўнамаштабнага ўварвання, а вайна «пачалася ў многім з-за гэтай пагрозы».
Ён выказаў меркаванне, што заходнія міратворцы могуць выкарыстоўвацца «для ўтоення сапраўдных мэтаў — кантролю над тэрыторыяй Украіны і яе рэсурсамі». «Правільней было б называць такі кантынгент інтэрвентамі або акупантамі», — падсумаваў Шайгу.
Цяпер чытаюць
Сталі вядомыя падрабязнасці пра трагедыю ў Полацкім манастыры3
Сталі вядомыя падрабязнасці пра трагедыю ў Полацкім манастыры
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары