Грамадства

Аналітыкі панізілі рэйтынг акцый EPAM да нейтральнага

На мінулым тыдні амерыканская аналітычная фірма Piper Sandler скарэкціравала сваю пазіцыю па EPAM Systems, панізіўшы рэйтынг акцый з «вышэй за рынак» да «нейтральнага» і ўстанавіўшы новую мэтавую цану ў $170. Змена адлюстроўвае заклапочанасць наконт стрыманага попыту і яго патэнцыйнага ўплыву на рост даходаў кампаніі, паведамляе Devby.io.

Акцыі EPAM цяпер гандлююцца прыкладна па $157. З пачатку года іх каціроўкі знізіліся больш чым на 30%, хаця дадзеныя InvestingPro паказваюць, што кампанія захоўвае добрую агульную ацэнку фінансавага здароўя. Мэтавая (яна ж «справядлівая») цана акцый — гэта цана, якая разлічана з улікам уплывовых на яе эканамічных фактараў (напрыклад, памеру прыбытку, стану актываў кампаніі, рыначных перспектыў).

EPAM Systems у лютым устанавіла мэтавыя паказчыкі росту даходаў на 2025 фінансавы год у дыяпазоне 10—14% з прагназуемым арганічным ростам даходаў 0,9—4,9%, але можа сутыкнуцца з цяжкасцямі ў іх дасягненні. Першапачатковы прагноз быў заснаваны на чаканым паляпшэнні ў другой палове года, але ў Piper Sandler цяпер сумняваюцца ў ім з-за запаволення працэсаў прыняцця рашэнняў. Паводле аналізу InvestingPro, цяпер кампанія гандлюецца ніжэй за сваю ўнутраную вартасць, а мэтавыя паказчыкі аналітыкаў вар’іруюцца ад $180 да $300.

У Piper Sandler мяркуюць, што прагноз даходаў EPAM можа быць перагледжаны ў бок паніжэння на 300—600 базісных пунктаў, паколькі верагоднасць аднаўлення ў другой палове года пад сумневам.

Патэнцыйнае зніжэнне прагнозу даходаў адыграла вялікую ролю ў паніжэнні рэйтынгу акцый. У Piper Sandler лічаць, што ў цяперашніх абставінах EPAM будзе складаней расці. Фірма аддае перавагу іншым кампаніям у сектары, такім як Accenture, якая лічыцца больш стабільнай, або Globant, у якой чакаецца адносна больш высокі рост.

Карэкціроўка рэйтынгу Piper Sandler з’яўляецца важнай падзеяй для інвестараў і іншых удзельнікаў рынку, паколькі можа паўплываць на ўспрыманне рынкам дынамікі акцый EPAM у бліжэйшай перспектыве.

Тым часам нядаўна EPAM адрапартавала аб даходах за 4 квартал, якія перавысілі чаканні аналітыкаў. Скарыгаваны прыбытак на акцыю склаў $2,84, што лепш за прагноз $2,75. Даход за квартал дасягнуў $1,25 млрд супраць арыенціровачных $1,21 млрд, павялічыўшыся на 7,9% у параўнанні з мінулым годам.

Японская інвестфірма Mizuho Securities скарэкціравала сваю мэтавую цану акцый EPAM з $282 да $267, захаваўшы рэйтынг «вышэй за рынак». Гэтая карэкціроўка адбываецца на фоне прыкмет аднаўлення попыту і запланаваных стратэгічных інвестыцый кампаніі ў новыя тэхналогіі, напрыклад у генератыўны ШІ. Амерыканская Guggenheim таксама крыху знізіла мэтавую цану з $290 да $285, але пацвердзіла рэйтынг «купляць», спаслаўшыся на станоўчую дынаміку арганічнага росту выручкі і стратэгічныя ўкладанні. Абедзве фірмы адзначылі, што EPAM дэманструе ніжэйшую, чым чакалася, аперацыйную маржу, але лічаць гэта часовай з’явай. Усё гэта, на думку аналітыкаў, адлюстроўвае веру ў здольнасць EPAM справіцца з цяперашнімі выклікамі і скарыстацца будучымі магчымасцямі.

Каментары

Цяпер чытаюць

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны21

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Усе навіны →
Усе навіны

Літва заклікала прызнаць ГРУ тэрарыстычнай арганізацыяй9

Зборная Беларусі па футболе прайграла Албаніі ў вырашальным матчы Лігі нацый14

Легендарны тэлескоп «Хабл» падае на Зямлю. НАСА тэрмінова шукае тых, хто яго выратуе або затопіць15

«Дайце круглую суму і год — будзе вам любы шэдэўр Мікеланджэла!» Улады запатрабавалі перарабіць «Быхаўскую мадонну». Аўтар падточвае яе балгаркай30

Зборная Беларусі прайграла заключны важны матч у Лізе нацый5

«Спадзяюся, ты памрэш і пазбавіш нас ад пакут». Пасля адстаўкі кіраўніка Nvidia падначаленыя расказалі пра ягоныя істэрыкі13

У Чэхіі адбылася найбуйнейшая з 1989 года акцыя пратэсту10

Штодзённая кава стымулюе кішэчнік і зніжае рызыку Паркінсона. Каб даказаць гэта, правялі незвычайны эксперымент5

Эстонія закрывае мяжу з Расіяй з 1 снежня. Прычынай стала спроба ГРУ падпаліць абаронны завод 21

больш чытаных навін
больш лайканых навін

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны21

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Галоўнае
Усе навіны →

Заўвага:

 

 

 

 

Закрыць Паведаміць