Кардынал П’етра Паралін, які займаў пасаду Дзяржаўнага сакратара з 15 кастрычніка 2013 года да смерці Францішка, як найстарэйшы кардынал-біскуп будзе старшынстваваць на агульных кангрэгацыях, якія папярэднічаюць выбару пантыфіка, а таксама на самім канклаве, паведамляюць Навіны Ватыкана.
Агульныя кангрэгацыі з'яўляюцца ключавым часам для Калегіі кардыналаў, каб абмяняцца ідэямі і аргументамі, а таксама для канчатковага вызначэння працэдур канклава. З усё больш і больш разнастайнай Калегіяй кардыналаў, гэта будзе адзін з нешматлікіх момантаў, калі іерархі змогуць больш даведацца адзін пра аднаго.
Канклаў пачнецца ў бліжэйшы час, дакладную дату вызначаць падчас агульных кангрэгацый. З усіх кардыналаў толькі тыя, хто маладзей за 80 гадоў, маюць права голасу. Для абрання новага Папы кандыдат павінен атрымаць дзве траціны галасоў.
Галасаванне адбываецца ў Сікстынскай капэле, дзе праводзіцца чатыры туры штодзень, пакуль не будзе дасягнуты неабходны вынік. Пасля кожнага няўдалага тура галасавання, бюлетэні спальваюцца з дабаўленнем спецыяльных хімічных рэчываў, якія ствараюць чорны дым. Калі вынік станоўчы, дым становіцца белым, абвяшчаючы свету аб выбары новага Пантыфіка.
Новым Папам Рымскім можа стаць кардынал, які быў у Беларусі і цытаваў Барадуліна
Букмекеры вылучылі двух фаварытаў на пасаду Папы Рымскага
Хто будзе наступным Папам? Вось хто можа змяніць Францішка
Як з’явіліся канклавы. Кардыналаў замкнулі, разабралі ім дах, не кармілі — але ўсё вырашыла кровапраліцце
Кухня нядрэнная, віно на здароўе, але ў чым галоўнае пытанне будучага канклава?
Каментары