У Вашынгтоне і Кіеве раскрытыкавалі прапанаванае Пуціным трохдзённае перамір'е
І ў ЗША, і ва Украіне перадусім не разумеюць, навошта боку, які нібыта хоча міру, аб'яўляць перамір'е на тры дні, калі можна прынамсі на 30, або і ўвогуле назусім.
Дональд Трамп настойвае на пастаянным спыненні агню ва Украіне, заявіла прадстаўніца Белага дома Кэралайн Левіт, каментуючы абвешчанае Крамлём трохдзённае перамір'е. Левіт паведаміла журналістам, што Трамп усё больш расчараваны як Уладзімірам Пуціным, так і прэзідэнтам Украіны Уладзімірам Зяленскім, і што абодва бакі павінны сесці за стол перамоў для заканчэння вайны.
У той жа час міністр замежных спраў Украіны Андрэй Сібіга заклікаў да неадкладнага спынення агню:
«Калі Расія сапраўды хоча міру, яна павінна неадкладна спыніць агонь. Навошта чакаць да 8 мая? Калі можна спыніць агонь проста цяпер і падтрымліваць яго на працягу 30 дзён — каб гэта было па-сапраўднаму, а не проста дзеля параду. Украіна гатовая падтрымаць устойлівае, трывалае і паўнавартаснае спыненне агню. І менавіта гэта мы ўвесь час прапануем — хоць бы на 30 дзён», — напісаў ён.
Сёння стала вядома, што Пуцін абвясціў трохдзённае перамір'е «з нуля гадзін з 7 на 8 мая да нуля гадзін з 10 на 11 мая» — на той час, калі ў Расіі будзе святкавацца 80‑годдзе перамогі над Германіяй у Другой сусветнай вайне.
Што вядома пра жанчыну, якая загінула ў аўтобусе, што вёз беларускіх футбалістаў-школьнікаў у Геленджык?18
Каментары