Лаўроў заявіў, што Расія адмовіцца перадаць Запарожскую АЭС пад кіраванне ЗША
Расія не атрымлівала ад ЗША прапаноў аб перадачы кіравання АЭС, а калі і атрымае, то заявіць, што перадача кантролю немагчымая.
Пра гэта заявіў у інтэрв'ю CBS міністр замежных спраў Расіі Сяргей Лаўроў.
«Не, мы не атрымлівалі такой прапанавы, а калі і атрымаем, то патлумачым, што кіраванне Запарожскай АЭС знаходзіцца ў распараджэнні расійскай дзяржаўнай карпарацыі «Расатам», пад наглядам персаналу МАГАТЭ, які пастаянна прысутнічае на аб’екце і ажыццяўляе маніторынг», — сказаў Лаўроў.
Міністр таксама дадаў, што «АЭС знаходзіцца ў надзейных руках».
Нагадаем, што перадача Запарожскай АЭС пад кантроль ЗША была адным з асноўных пунктаў праекта мірнай дамовы, прапанаванай прадстаўнікамі Дональда Трампа. Яна таксама прадугледжвае прызнанне Крыма часткай Расіі і замацаванне лініі фронту, што дазволіць Пуціну захаваць амаль усе захопленыя тэрыторыі. Украіна ж, паводле ўмоў, не атрымае амаль ніякіх выразных гарантый бяспекі ад ЗША.
Цяпер чытаюць
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу11
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе1010
Каментары