Грамадства1616

Беларускі паэт Сяргей Прылуцкі пайшоў ваяваць за Украіну

Ужо больш за два тыдні Сяргей Прылуцкі знаходзіцца ў Інтэрнацыянальным легіёне. Паэт распавёў «Нашай Ніве», як трапіў туды.

Сяргей Прылуцкі. Фота з яго фэйсбука

Сяргей шмат гадоў жыве ва Украіне — у Бучы, пра якую ў 2022 годзе пачуў увесь свет. У той час пісьменніку вельмі пашанцавала. Яго дом быў вельмі блізка ад аэрапорта, але Сяргей разам з сям’ёй змог пажыць у кватэры сябра, якая знаходзілася ў тым квартале, куды расіяне ў выніку так і не зайшлі. А калі недзе праз два тыдні далі «зялёны калідор», беларус з жонкай і маленькім сынам эвакуяваўся.

Дарэчы, расійскія вайскоўцы заходзілі ў дом Сяргея. Марадзёры сярод іншага вынеслі абраз. У маі 2022 года беларускі пісьменнік вярнуўся ў Бучу.

Цяпер жа ён ідзе ваяваць.

— З боку можа выглядаць, што ўсё адбылося раптоўна. Але ж не. Я быў гатовы ісці ваяваць яшчэ ў 2022 годзе — але тады стаялі вялізныя чэргі перад ваенкаматамі, быў сур’ёзны адбор. Людзей, у якіх былі нейкія пытанні са здароўем, адсейвалі. Я са сваім трошкі неідэальным здароўем быў не такі патрэбны.

Сяргей кажа, што, пасля эвакуацыі з Бучы ён стаў на вайсковы ўлік на новым месцы (у яго ёсць украінскае грамадзянства). І з таго моманту чакаў, што ў нейкі момант яго прызавуць.

— Калі я вярнуўся ў Бучу, было шмат бюракратычных пытанняў. У 2024 годзе прынялі новы закон наконт мабілізацыі, бюракратыі стала менш, і я змог зноў стаць на вайсковы ўлік у Бучы. Неяк усё расцягнулася на год, і выйшла, што я трапіў у войска толькі цяпер. Мяне гэта не шакавала, не стала нейкім сюрпрызам, бо я сам шукаў месца, куды пайсці служыць.

На пытанне, чаму менавіта Інтэрнацыянальны легіён, пісьменнік адказвае так:

— Скажам так, я прадстаўнік нацыянальнай меншасці. Плюс мне параілі — сказалі, што там добрыя падраздзяленні. Да таго ж там некалькі маіх сяброў служыць. Былі яшчэ варыянты, але ў іх не прайшоў. Таму спыніўся на Інтэрнацыянальным легіёне, дзе былі патрэбныя людзі.

На пытанне, як сямігадовы сын адрэагаваў на навіну пра тое, што тата пойдзе на вайну, Сяргей адказвае:

— Як усе дзеці: сумуе без мяне. Але ён разумее, што адбываецца.

У хуткім часе ў Сяргея пачнецца навучанне ў вучэбцы, якое, ён мяркуе, зойме 45 дзён.

«Наша Нiва» — бастыён беларушчыны

ПАДТРЫМАЦЬ

Каментары16

  • Ангел
    30.04.2025
    Храни тебя Бог!
  • Малдэр
    30.04.2025
    Пістончык, беражы сябе!
  • Погляд
    30.04.2025
    Ісці ваяваць на чужой вайне, кінуўшы жонку і сына? У той час, як мільёны саміх ўкраінцаў хаваюцца ад мабілізацыі? Мазгоў няма ў паэта.
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Азаронак напісаў пра палітэмігранта — пасля гэтага брата і бацьку таго кінулі за краты2

Азаронак напісаў пра палітэмігранта — пасля гэтага брата і бацьку таго кінулі за краты

Усе навіны →
Усе навіны

Як выпадковае знаёмства ў гей-клубе скончылася гучным забойствам. Новыя дэталі па справе беларуса, які 25 гадоў таму зарэзаў прадзюсара ў Маскве6

У Беларусі за 5 тысяч рублёў прадаюць 200-рублёвую банкноту. У яе вельмі незвычайны брак1

У ЗША могуць запусціць рэаліці-шоу, дзе імігранты будуць спаборнічаць за грамадзянства3

Затрымалі адміністратара беларускай Вікіпедыі Максіма Лепушэнку5

Беларускі ВУП вырас на 2,8 працэнта, але тэмпы запаволіліся1

Для ўсіх дзесяцікласнікаў увядуць вучэбна-палявыя зборы35

У тыктоку пакістанцам рэкламуюць магчымасць атрымання дазволу на працу ў Беларусі. Але беларусы бачаць падвох адразу1

Карпянкоў заявіў, што 90% навабранцаў хочуць служыць па кантракце18

Расія выставіла Украіне восем умоў21

больш чытаных навін
больш лайканых навін

Азаронак напісаў пра палітэмігранта — пасля гэтага брата і бацьку таго кінулі за краты2

Азаронак напісаў пра палітэмігранта — пасля гэтага брата і бацьку таго кінулі за краты

Галоўнае
Усе навіны →

Заўвага:

 

 

 

 

Закрыць Паведаміць