20-гадовая дзяўчына з Брэста запісала жартаўлівы тыкток пра смерць у ДТЗ — і ў той жа вечар разбілася
«Калі я буду за рулём і нехта ўключыць гэты трэк, мы разаб'ёмся», — падпісала свой ролік у тыктоку Аляксандра Шляжко. Праз некалькі гадзін яна, не маючы правоў, села за руль УАЗа і трапіла ў смяротную аварыю.
Днём 4 мая 20-гадовая Аляксандра Шляжко з Брэста выклала ў тыкток чорна-белае відэа. У ім дзяўчына круціцца пад песню «НЛА». «Мая перадсмяротная споведзь», — спявае там расійскі рэпер Pharaoh.
Праз некалькі гадзін Аляксандра загінула ў дарожнай аварыі.
Як стала вядома з міліцэйскага паведамлення, дзяўчына кіравала УАЗам. Яна ехала па вуліцы Кастрычніцкай рэвалюцыі, а недалёка ад картынгавага стадыёна не дала рады кіраванню і ўрэзалася ў прыпаркаваны Audi. Ад удару яе аўтамабіль адкінула, ён сутыкнуўся з дрэвам.
Дзяўчына загінула на месцы аварыі, яе 20-гадовы спадарожнік трапіў у бальніцу. Па інфармацыі міліцыі, яна не мела пасведчання кіроўцы.
Аляксандра Шляжко вучылася на другім курсе Брэсцкага дзяржаўнага ўніверсітэта на факультэце фізічнага выхавання і спорту, удзельнічала ў спаборніцтвах па жаночым валейболе.
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім3
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі1010
Каментары