Улады Літвы і Латвіі закрылі пралёт у Маскву самалёта прэзідэнта Сербіі
Улады Літвы і Латвіі забаранілі пралёт праз сваю паветраную прастору самалёта прэзідэнта Сербіі Аляксандра Вучыча, які хоча паляцець у Маскву на пуцінскі парад, паведамляе сербскае выданне «Вечерње новости». З падобнымі праблемамі сутыкаецца і прэм'ер-міністр Славакіі Роберт Фіца.
У Літве патлумачылі гэтае рашэнне «тэхнічнымі і дыпламатычнымі абставінамі». Латвійскія ўлады звязалі забарону з «палітычнай адчувальнасцю мэты палёту», паведамляюць сербскія.
Аляксандра Вучыча называлі ў ліку запрошаных гасцей на парад Перамогі ў Маскве. 3 мая прэзідэнт Сербіі адчуў сябе кепска і датэрмінова спыніў візіт у ЗША, а пасля вяртання ў Бялград быў шпіталізаваны. З-за гэтага ягоны візіт у Маскву апынуўся пад пытаннем.
Паведамляецца таксама, што з падобнымі праблемамі сутыкнуўся таксама яшчэ адзін еўрапейскі лідар, які хоча трапіць на парад у Маскве 9 мая — прэм'ер-міністр Славакіі Роберт Фіца. Яго самалёт не хочуць прапускаць Польшча і Літва. Раней паведамлялася, што ў Фіцы, як і ў Вучыча, таксама ўзніклі праблемы са здароўем.
«Размаўляў увесь час па-беларуску». Павел Севярынец запісаў свой першы зварот пасля вызвалення20
«Размаўляў увесь час па-беларуску». Павел Севярынец запісаў свой першы зварот пасля вызвалення
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher55
Каментары