Разлікі Еўрапейскага цэнтра сярэднетэрміновых прагнозаў надвор'я (ECMWF) паказваюць, што да 25 мая цяпла чакаць асабліва не варта, піша тэлеграм-канал @nadvorie.
Наступны тыдзень, як і цяперашні, таксама будзе вельмі халодны — на 3-6° ніжэйшы за норму.
Той, што прыйдзе пасля яго, з 19 да 26 мая, чакаецца крыху цяплейшы, але таксама халодны — на 1-3° ніжэйшы за кліматычную норму.
Усё гэта тлумачыцца ўстойлівай сістэмай цыркуляцыі атмасферы, якая цяпер склалася над Еўропай і абумоўленая прасторавым размеркаваннем абласцей высокага і нізкага ціску.
На карце (прагноз анамаліі геапатэнцыялу на ўзроўні 500 гПа) добра бачныя гэтыя вобласці. Над паўночнай Атлантыкай будзе размяшчацца вышынны антыцыклон «B», а прыкладна над еўрапейскай часткай Расія на доўгі час усталюецца вышынны цыклон «H». Белымі стрэлкамі паказаная сістэма ветру ў гэтых барычных утварэннях; сінімі — халоднае паветра.
Такім чынам да нас у сярэднюю Еўропу і даходзіць халоднае паветра з прыпалярных абласцей.
Цяпер чытаюць
Міністр сувязі: Абмежаванні мабільнага інтэрнэту закрануць 1,7 мільёна беларусаў7
Каментары
Nu, a jak vyjdu, tady ūžo hrejciesia, zaharajcie, kupajciesia ū mory. Samy čas budzie...
Škada vos toļki, što čarešnia maja nia ūrodzic` praz chalodnaje nadvorje. Alie ničoha nie zrobiš, tak sklalasia.
A moža i ūrodzic`, bo lietas toje samaje bylo, a ūradžaj atrymaūsia dobry...