«Ганебны акт дыверсіі». Польшча зачыняе консульства Расіі ў Кракаве з-за падпалу гандлёвага цэнтра
Польшча абвінаваціла расійскія спецслужбы ў маштабным пажары, які амаль цалкам знішчыў гандлёвы цэнтр у Варшаве летась.
У паведамленні на платформе X прэм’ер Дональд Туск заявіў, што Польшча «мае абсалютную ўпэўненасць», што пажар у гандлёвым цэнтры Marywilska стаў вынікам падпалу, здзейсненага па загадзе расійскіх спецслужбаў, піша Бі-бі-сі.
Туск дадаў, што некаторыя з датычных ужо пад вартай, а астатнія падазраваныя ідэнтыфікаваныя. Іх шукаюць.
Польшча зачыняе расійскае генконсульства ў Кракаве з-за дзейнасці расійскіх спецслужбаў.
«У сувязі з доказамі таго, што расійскія спецслужбы здзейснілі ганебны акт дыверсіі супраць гандлёвага цэнтра на вуліцы Марывільскай, я прыняў рашэнне адклікаць дазвол на дзейнасць консульства Расійскай Федэрацыі ў Кракаве», — напісаў у X міністр замежных спраў Польшчы Радаслаў Сікорскі.
Масква пакуль не пракаментавала гэтыя абвінавачванні, аднак раней адмаўляла любую датычнасць да актаў сабатажу ў Еўропе.
Пажар, які адбыўся ў Варшаве ў траўні 2024 года, знішчыў 1400 малых бізнэсаў. Шмат работнікаў гэтых бізнэсаў былі прадстаўнікамі в’етнамскай супольнасці Варшавы.
Расследаванне цягнулася год. Следчыя прыйшлі да высновы, што пажар арганізавала асоба з Расіі, імя якой пакуль не раскрываецца.
У сумеснай заяве міністраў юстыцыі і ўнутраных спраў Польшчы гаворыцца, што ўсе дзеянні затрыманых былі «арганізаваныя і накіроўваліся канкрэтнай асобай, якая пражывае ў Расійскай Федэрацыі».
Гандлёвы цэнтр Marywilska адкрыўся ў 2010 годзе, і падчас пажару шмат работнікаў страцілі важныя дакументы і вялікія сумы наяўных грошай, якія захоўваліся ў памяшканнях.
Праз тры месяцы пасля пажару ўладальнікі Marywilska адкрылі часовы гандлёвы цэнтр, у якім каля 400 прадпрымальнікаў аднавіў сваю працу.
У кастрычніку 2024 года ў Варшаве адкрылі альтэрнатыўны гандлёвы цэнтр Modlinska 6D, куды перанеслі частку бізнесаў.
Цяпер чытаюць
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта15
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2323
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі23
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары