Прэзідэнт ЗША Дональд Трамп, які цяпер знаходзіцца з візітам у Саудаўскай Аравіі, заявіў, што на расійска-ўкраінскую сустрэчу ў Стамбуле прыедзе дзяржсакратар ЗША Марка Рубіа. Раней паведамлялася, што ў Турцыю таксама едуць спецпрадстаўнікі прэзідэнта ЗША Кіт Келаг і Стыў Уіткаф. Ці паедзе сам Трамп — залежыць ад рашэння Пуціна ўдзельнічаць у сустрэчы.
Між тым ёсць інфармацыя, што на запланаваных на 15 траўня перамовах адносна вайны ва Украіне ў Турцыі Расію прадставяць кіраўнік МЗС Сяргей Лаўроў і памочнік Пуціна Юрый Ушакоў, піша Washington Post са спасылкай на неназванага былога высокапастаўленага чыноўніка Крамля. Раней пра гэта паведамляла расійская «Комсомольская правда», але навіну адразу ж выдалілі.
Факт адпраўкі расійскай дэлегацыі ў Стамбул таксама пацвердзіў прэс-сакратар Пуціна Дзмітрый Пяскоў, аднак ён не абвясціў склад дэлегацыі.
Ініцыятарам прамых перамоваў з Украінай у Турцыі выступіў Уладзімір Пуцін, але ён не дамовіўся аб узроўні сустрэчы. Уладзімір Зяленскі прыняў запрашэнне і прапанаваў Пуціну сустрэцца асабіста, аднак пакуль што Пуцін на гэта ніяк не адказаў.
Цяпер чытаюць
Сёстры Груздзевы цяпер важаць пад 100 кілаграмаў кожная14
Сёстры Груздзевы цяпер важаць пад 100 кілаграмаў кожная
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе9
Таццяна Заміроўская першы раз за 11 гадоў вярнулася з ЗША ў Еўропу. Многія манеры, звычкі і нават птушкі, якіх мы не прыкмячаем, выклікалі ў яе буру ўспамінаў1010
Каментары