Пераможца сёлетняга «Еўрабачання» хоча, каб наступнае прайшло без удзелу Ізраіля
Пераможца «Еўрабачання-2025», аўстрыйскі спявак JJ (Джэй Джэй), выступіў за тое, каб Ізраіль не дапускалі да ўдзелу ў конкурсе ў 2026 годзе з-за вайны ў сектары Газа. У інтэрв’ю іспанскай газеце El Pais ён заявіў, што хацеў бы бачыць наступны конкурс у Вене, але без удзелу Ізраіля, піша Reuters.
Конкурс «Еўрабачанне» афіцыйна застаецца па-за палітыкай, але сёлета ён зноў апынуўся ў цэнтры спрэчак, звязаных з ваенным канфліктам у сектары Газа.
Хоць прапалесцінскія актывісты заклікалі Еўрапейскі вяшчальны саюз выключыць Ізраіль з конкурсу 2025 года, ізраільскі прадстаўнік Юваль Рафаэль, якая выжыла падчас нападу 7 кастрычніка, перамагла ў глядацкім галасаванні і заняла другое месца пасля JJ.
JJ (сапраўднае імя — Яганэс Пітш), які перамог з песняй Wasted Love, таксама выказаўся за змену сістэмы падліку галасоў дзеля большай празрыстасці.
Ён стаў трэцім прадстаўніком Аўстрыі, які перамог у самым буйным музычным конкурсе ў свеце, што глядзяць больш за 160 мільёнаў чалавек.
Каментары