Разведка Украіны: Беларуская армія не здольная на маштабныя баявыя дзеянні
Алег Івашчанка, кіраўнік Службы замежнай разведкі Украіны, расказаў «Укрінфарму», як украінскія спецслужбы ацэньваюць здольнасць беларускага войска пайсці ва Украіну.
Ці можна чакаць пагрозы з боку Беларусі, спытаў карэспандэнт Івашчанку.
— На сёння беларускае войска не здольнае на маштабныя баявыя дзеянні. Усё, што яны трымаюць ля нашай мяжы — гэта каля 2000 вайскоўцаў толькі для таго, каб нас адцягваць. Гэта значыць, баявы склад невялікі, перад вайной быў няздольны весці наступальныя дзеянні, і маральна іх вайскоўцы да гэтага не гатовыя.
Сярод беларускіх камандзіраў многія атрымлівалі адукацыю ў Расіі. Яшчэ ў 2022 годзе яны ціснулі на Лукашэнку, каб ён уступіў у вайну. Але самі беларусы — і вайскоўцы, і звычайныя людзі — гэтага не хочуць.
Яшчэ трэба мець на ўвазе, што на сёння эканоміка Беларусі цалкам залежыць ад Расійскай Федэрацыі.
Калі ў 2022 годзе ў Расіі, якая планавала скончыць вайну «за тры дні», з'явіліся праблемы з узбраеннем, Беларусь перадала ім усё, што магла, са сваіх складоў: боепрыпасы, тэхніку — Т-72, БМП-2, прыцэлы, бронекамізэлькі, шлемы, станкі. Цяпер яны наладзілі яшчэ вытворчасць боепрыпасаў, якіх бракуе Расіі. Рэактыўныя, ствольныя — усё, што трэба для вайны. Беларускі ВПК стаў дадаткам расійскага. Каля 80% беларускіх прадпрыемстваў ВПК інтэграваныя ў расійскі ВПК. Гэта фактычна адна база.
Цяпер чытаюць
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца3
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2222
Каментары
Полезные только мы!