Пуцін выставіў Захаду пяць патрабаванняў для падпісання мірнай дамовы. Вось яны
Прэзідэнт Расіі Уладзімір Пуцін вылучыў шэраг умоў для завяршэння вайны ва Украіне, піша Reuters.com.
Гэтыя патрабаванні наступныя:
- пісьмовае абяцанне ад заходніх краін спыніць пашырэнне НАТА на ўсход, асабліва ўключэнне Украіны, Грузіі і Малдовы;
- нейтральны статус Украіны;
- частковую адмену заходніх санкцый супраць Расіі;
- вяртанне замарожаных расійскіх суверэнных актываў;
- абарону правоў расійскамоўных грамадзян ва Украіне.
Пасля двухгадзіннай размовы з прэзідэнтам ЗША Дональдам Трампам Пуцін выказаў гатоўнасць працаваць над мемарандумам, які вызначыць асноўныя прынцыпы будучага міру, уключаючы тэрміны спынення агню. Аднак Расія пакуль не прадставіла канкрэтны праект гэтага дакумента.
Кіеў і еўрапейскія ўрады абвінавачваюць Маскву ў затрымцы перамоў, у той час як расійскія войскі працягваюць наступленне на ўсходзе Украіны.
Прэзідэнт Украіны Уладзімір Зяленскі падкрэсліў, што Кіеў не можа прыняць умовы, якія ўключаюць абмежаванне яго права на ўступленне ў НАТА, і заклікаў да трыбуналаў для адказных за злачынствы супраць чалавечнасці.
У той час, як Трамп выказаў гатоўнасць да перамоў, ён таксама папярэдзіў Пуціна аб магчымых наступствах, калі той будзе працягваць адмаўляцца ад спынення агню, называючы яго дзеянні «гульнёй з агнём».
Усе бакі застаюцца на сваіх пазіцыях, што ўскладняе перспектывы хуткага дасягнення міру, рэзюмуе Reuters.com.
У той жа час звяртае ўвагу, што ў 2021 годзе патрабаванні Масквы былі больш далекасяжнымі. Яны ўключалі ў сябе патрабаванні адносна ўсходнееўрапейскіх членаў НАТА і фактычнае раззбраенне Украіны. А ў 2022-м Расія ажыццявіла спробу поўнага захопу Украіны з выхадам у Прыднястроўе. Аднак бліцкрыг не ўдаўся, вайна цягнецца ўжо чацвёрты год.
Малады работнік «Мінск-Арэны» павінен заплаціць 71 мільён даляраў4
Каментары
Найпадступнейшы і небяспечнейшы пункт. Абарона правоў "языкіх" паводле беларускага ўзору - гэта ружовая мара Крамля і гарантыя праблем у будучыні.