Ён незадаволены, што 95% сродкаў на рэкламу ў інтэрнэце ідзе на замежныя пляцоўкі.
Міністр інфармацыі Марат Маркаў на дзяржаўным Форуме медыйнай супольнасці Беларусі заявіў, што трэба пастрожыць рэгуляванне рэкламы.
«У нас сёння 95% рэкламных сродкаў, якія беларускія прадпрыемствы трацяць на рэкламу ў інтэрнэце, ідзе на замежныя пляцоўкі. І адпаведна што мы можам рэгуляваць у гэтым пытанні і як мы можам зацікавіць блогераў і пляцоўкі нашы, якія працуюць у гэтым асяроддзі? Нам трэба браць прыклад з расейцаў, якія прынялі ўжо адпаведны закон ад маркіроўцы рэкламы, нам трэба браць прыклад з казахаў, якія таксама прынялі, з Еўрасаюза, які прыняў аналагічныя нарматыўныя дакументы», — сказаў Маркаў.
Гэтую ж тэму ён нядаўна ўздымаў на Рэспубліканскім форуме жанчын-прадпрымальнікаў «Энергія і стварэнне» ў Мінску.
«Беларускі рынак інтэрнэт-рэкламы дэманструе пастаянны рост. У 2024 годзе дасягнуты паказчык у $55 млн. У бягучым прагназуюць $65 млн, што адпавядае штогадоваму росту ў 15-20%. Пры гэтым 95% рэкламных бюджэтаў у інтэрнэце ідуць на замежныя пляцоўкі. Гэта значыць нашы пляцоўкі атрымліваюць толькі каля 5% рэкламных грошай. Ці ёсць сэнс тады здзіўляцца, што рэклама беларускіх тавараў на замежных пляцоўках ідзе рука аб руку з экстрэмісцкімі ролікамі, якія заклікаюць разваліць нашу краіну і створанымі пры гэтым на нашы ж грошы, гэта значыць за грошы беларускіх прадпрыемстваў?»
Першага намесніка гендырэктара «Белвеста» пасадзілі на тры з паловай гады за палітыку6
Першага намесніка гендырэктара «Белвеста» пасадзілі на тры з паловай гады за палітыку
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца1717
Каментары