Адна з найстарэйшых беларускіх IT-кампаній SaM Solutions, якая ўваходзіла ў «вялікую пяцёрку» аўтсорсінгавых гульцоў 2000-х, толькі нядаўна выйшла на польскі рынак, але ўжо паказвае добры рост, піша ў сваім тэлеграм-канале журналіст Вадзім Сяховіч.
Філіял кампаніі ў Варшаве адкрыўся ў 2022 годзе — пазней, чым у іншых вядомых беларускіх кампаній: EPAM (2011), Intetics (2016), Itransition (2017) і IBA Group (2021).
У 2023 годзе варшаўскі офіс SaM Solutions зарабіў 3,7 мільёна злотых (каля 925 тысяч даляраў), але працаваў у мінус (страты больш за 300 тысяч злотых (каля 75 тысяч даляраў). А вось у 2024 годзе кампанія вырасла амаль у 2,5 раза — да 9,2 мільёна злотых (2,3 мільёна даляраў) выручкі — і атрымала каля 250 тысяч злотых (62 500 даляраў) чыстага прыбытку.
Нягледзячы на міжнародную прысутнасць, у кампаніі дагэтуль дзейнічае беларускі офіс у ПВТ («САМСолюшнс» — рэзідэнт Парку высокіх тэхналогій). Іншыя філіялы размешчаныя ў Германіі, ЗША, Нідэрландах, Украіне, Літве, на Кіпры, а галоўны офіс — у Рызе (Латвія).
У Юрмале жыве і сам заснавальнік SaM Solutions — Андрэй Бахіраў, які ўжо даўно адышоў ад аператыўнага кіравання і мае грамадзянства Германіі. Ён валодае больш як 66% кампаніі. Таксама значныя долі (па больш як 10%) належаць топ-менеджарам Паўлу Хаўранкову і Алегу Сукачу.
На чайным грыбе зарабіў у Польшчы першыя мільёны рэстаратар з Брэста, бізнэс якога ўлады разграмілі ў 2020-м
Топ-100 кампаній Польшчы з беларускімі каранямі ўзначаліў EPAM, у спіс увайшла і кампанія Сахашчыка
Уласнікі Realt.by пашыраюць бізнэс на Польшчу, ААЭ і Чарнагорыю
Што IT-бізнэс думае пра Ганну Рабаву, новую кіраўніцу Парка высокіх тэхналогій?
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары