Прэзідэнт Сербіі пахваліўся, што не падпісаў дэкларацыю саміту ў Адэсе і «не здрадзіў» Расіі
Аляксандр Вучыч заявіў, што не падпісваў дэкларацыю саміту «Украіна — Паўднёва-Усходняя Еўропа» ў Адэсе і гэтым «не здрадзіў Расіі». Гэта ён сказаў журналістам па выніках саміту, паведамляе «Еўрапейская праўда».
Вучыч заявіў, што сваім візітам у Адэсу не здрадзіў Расіі, як сцвярджаюць некаторыя сербскія СМІ, і, па яго словах, «зноў адзіны, хто не прыняў дэкларацыю» саміту ў Адэсе.
«У адрозненне ад іх (верагодна, іншых удзельнікаў саміту), якія гатовыя прыняць усё, што накіравана супраць Расіі, усё, што могуць», — сказаў Вучыч.
Ён дадаў, што Сербія абараняе інтарэсы міжнароднага публічнага права, заўсёды кіруючыся ўласнымі інтарэсамі.
«Я ганаруся палітыкай Сербіі, нашай незалежнасцю, нашай аўтаноміяй, і мы будзем працягваць так рабіць», — падкрэсліў сербскі прэзідэнт.
Апублікаваная на сайце Офіса прэзідэнта Украіны дэкларацыя пацвярджае, што Вучыч — адзіны ўдзельнік саміту «Украіна — Паўднёва-Усходняя Еўропа», які яе не падпісаў.
У дакуменце, між іншым, «найрашучым чынам» асуджаецца вайна Расіі супраць Украіны і заклікаецца міжнародная супольнасць «захоўваць і надалей узмацняць санкцыі супраць Расійскай Федэрацыі».
Удзельнікі саміту таксама пацвердзілі еўраатлантычныя памкненні Украіны і дзяржаў рэгіёна.
Для Аляксандра Вучыча гэта быў першы візіт ва Украіну.
Цяпер чытаюць
Удава Мікіты Мелказёрава ўпершыню публічна расказала пра ноч яго смерці3
Удава Мікіты Мелказёрава ўпершыню публічна расказала пра ноч яго смерці
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА77
Каментары