Лукашэнка патлумачыў, чаму лётае на верталёце па краіне, а не ездзіць на машыне
Лукашэнка сёння на нарадзе з кіраўніцтвам Адміністрацыі расказаў, што кожны дзень падпісвае дзве-тры камандзіроўкі для высокіх службовых асоб.
Ён таксама адзначыў, што цяпер шукаюць сродкі, каб павысіць заробкі чыноўнікам. Паводле яго слоў, варта падлічыць, колькі траціцца на камандзіроўкі.
«Падлічыце, колькі мы растрацілі. У нас з-за прэзідэнта, калі прэзідэнт кудысьці, вось у Бярозу, куды там заўтра плануецца? Тут іх цэлая кавалькада. Я прызямляюся на верталёце.
Чаму на верталёце? Я вам павінен сказаць, адна з прычын — што гэта значна танней, чым картэж прэзідэнта, нават калі там бяспека і іншае, я лётаю на верталёце.
І вось калі я пагляджу, там столькі аўтамабіляў вакол гэтага пункта, як кажа служба бяспекі, на пункце прэзідэнта, там вакол гэтага пункта яблыку ўпасці няма дзе. Хлопцы, мы абнаглелі да крайнасці. Такога ў дзевяностых гадах не было. І справа не толькі ў тым, што мы былі бяднейшыя, так, былі бяднейшыя. Давайце з нябёс будзем апускацца на зямлю, бо мы навідавоку, на нас глядзяць больш, чым на каго-небудзь. Таму прыводзьце ў парадак, не зважаючы ні на асобы, калі яны не разумеюць, ні на рангі», — расказаў Лукашэнка.
Каментары
Сапраўды, на верталёце можа быць танней, асабліва калі маршрут доўгі.
Аднак ён жа сам і можа вырашыць тое. Такі тэатральны жанр - пакрытыкаваць тое, што сам і прыдумаў, што сам і можа вырашыць без лішніх размоў.
"Хлопцы, мы абнаглелі да крайнасці."
- І тут праўду кажа. Што за дзень такі - нічога не схлусіў, усё праўда.
І на конт эканоміі - за які кошт у Кітай лётаў Коля альбо няспынна туды-сюды на блізкі ўсход урадавым джэтам лётаюць з сем'ямі старэйшыя сыны Лукашэнкі (тыя, што ад законнай жонкі)